- Rutten ta laga su puesto como entrenador di seleccion di Corsou
- Aruba Birdlife Conservation cu caso contra destruccion di naturaleza pa UTV y ATV
- JetBlue ta aumenta buelonan pa Aruba despues di salida di Spirit
- Rekenkamer: Aruba ta informa Hulanda mihor cu su mes Parlamento
- Prome minister hulandes Jetten rumbo pa Aruba durante biahe den Reino
Mericano ta secuestra avion di Belize, wordo tira mata pa pasahero arma
BELIZE - Por lo menos tres pasahero a resulta herida den un secuestro di avion na Belizen recientemente. Un mericano arma cu un cuchiu ta ser bisa di a purba di tuma control di un avion Tropic Air Cessna 208. Segun polis, e mes a muri ora un pasahero arma a cuminsa tira.
Polis ta informa cu e sospechoso defunto Akinyela Sawa Taylor aparentemente tabata kier bandona e pais. Segun informe, un pasahero abordo a logra avisa polis un rato prome cu take-off. El a ricibi informacionnan via mensahenan di texto. Segun informe e avion tabata cabando cu combustibel ora cu el a aterisa despues.
Ademas di Taylor, tabatin tambe diestres otro pasahero abordo. Tres persona a sufri herida di hinca of corta. Autoridadnan ta den scuridad ainda tocante con e secuestrado por a contrabanda un cuchiu abordo. E pasahero cu a tir’e mata, a wordo bisa cu e tabatin un permiso pa su arma di candela.
HEROE
Tropic Air ta yama e piloto di e avion un heroe, kende a keda trankil bou di presion halto y a logra baha su avion safe. E compania di aviacion local a expresa su gratitud na polis y servisionan di ambulance, cu tabata na man despues di aterisahe.
Boneiru ta observa premier Jetten atentamente tocante cambio climatico
BONEIRU – Durante su bishita na Caribe Hulandes, premier Rob Jetten ta wordo observa atentamente na Boneiru tocante su posicion riba cambio climatico. Esaki despues cu un huez den Hulanda a dicta cu gobierno Hulandes mester haci mas pa proteha Boneiru contra consecuencia di cambio climatico, un decision cu Hulanda awor ta apelando.
Venezuela y Hulanda reforsa relacion: enfoque riba turismo cu Aruba, Corsou y Boneiru
CARACAS – Iván Gil a confirma cu Venezuela y Hulanda ta busca fortalece nan relacion bilateral, incluyendo un enfoke particular riba turismo cu e islanan Hulandes den Caribe.
Na Boneiru, UPB, MPB y Serberie ta forma coalicion nobo
KRALENDIJK – Union Patriotiko Boneriano (UPB), Movementu di Pueblo Boneriano (MPB) y miembro independiente Salma Serberie lo forma hunto un coalicion di gobierno nobo.
KLM Airbus A330 ta para na Bonaire: avion ta warda pa piezanan
KRALENDIJK - Un avion Airbus A330 di KLM a keda para dialuna anochi na aeropuerto di Bonaire pa motibo di un defecto tecnico. E buelo KL767 a sali di Aruba cu destino pa Amsterdam, cu un escala na Bonaire Flamingo International Airport, pero e no por a sigui cu su biahe.
Boneiru a pidi Hulanda pa intervencion urgente contra subida di prijs
KRALENDIJK - Kolegio Ehekutivo di Boneiru a pidi gobierno di Hulanda pa tuma accion rapido pa frena e subida di prijs riba e isla. Pa motibo di tension den Medio Oriente y problema den transporte maritimo, gastonan di karga a subi, loke ta pone cuminda y kombustibel bira mas caro.
Crisis politico na Boneiru ta escala: Weber pone su puesto disponible
KRALENDIJK – Diputado di Finanzas di Boneiru, Anthony Weber (M21) a dicide pone su puesto disponible cu efecto inmediato despues cu un crisis di confianza a surgi den colegio di bestuur. Segun Weber, falta di confianza y posible contra echo interno a hunga un rol importante den su decision. Ya tabatin señalnan di tension den gobierno, pero e situacion a agrava despues cu un comunicado oficial a wordo publica sin su consentimiento, aunke e tabata na su nomber. Esaki, segun Weber, ta mustra claramente un problema serio di confianza entre coleganan.
Follow NoticiaCla
