Pastoor Jairo Maduro: Nos ta perde un Papa cu a sa di trese iglesia hopi mas cerca na pueblo di Dios

ORANJESTAD – “Cu e noticia di fayecimento di Papa Francisco nos ta drenta den luto cu speransa y confianza den amor di Dios”. Esaki tabata e prome reaccion di pastoor Jairo Maduro dialuna mainta pa Noticiacla, riba fayecimento di Papa Francisco. “Papa Francisco a transcuri su bida totalmente den sirbishi di Dios” pastoor Maduro a sigui bisa. “Siendo sacerdote na Argentina e tawata sa di ta uno cu esnan mas pober,bibando temponan duro di dictadura na Argentina. Pero Dios a yame pa e tawata e cara di mmisericordia di Dos den su pontificado, cual tawata uno hopi yega na esnan cu tawata wordo lubida”. Segun pastoor Maduro, Papa Francisco tabata un Papa cercano na tur hende., pero contra tur inhusticia, y hopi severo pa atende e asuntonan di abuso den iglesia. “Nos ta perde un Papa cu a sa di trese iglesia hopi mas cerca na pueblo di Dios”.Den ultimo temponan e señalnan normal di tur curpa humano a cuminsa haci sombra ariba dje. Su curpa a bira debil y e." Bai sosega. San Juan de buki di Revelashon ta bisa nos: Feliz ta esnan cu ta muri den Señor, nan lo descanza di nan trabou pisa y nan bon obranan ta compañanan. Cu nos Papa Francisco ricibi e corona di bida eterno” Pastoor Jairo Maduro a finalisa bisando.