Papa Francisco a fayece. E tabatin 88 aña di edad

VATICANO - Papa Francisco a fayece. E morto di Papa a ser anuncia pa e cardenal Irlandes-Americano Kevin Farrell. E ta e camerlengo, e cardenal cu ta bira responsabel pa asuntonan actual despues di morto di un papa.

“Awe mainta pa 7:35 a.m. e Obispu di Roma, Francisco, a regresa na cas di e Tata,” Farrell a bisa den un declaracion. “Henter su bida tabata dedica na sirbishi di Señor i su Iglesia.”

URBI I ORBI

E Papa tabata luchando cu mal salud pa algun tempo. Ayera el a pronuncia e urbi et orbi na Plaza San Pedro. El a haci esaki den rolstoel. Mas trempan ayera mainta, Francisco no tabata presente na misa di Pasku. Su tareanan einan a wòrdu tuma over pa kardinalnan.

E Papa tabata parse debil i vulnerabel. Sinembargo, na su entrada riba e balcon di Basilica di San Pedro, el a desea tur hende un feliz Pasco di Resureccion. E tabata comprendibel y a saluda e publico presente. E no a lesa e mensahe di Pasku su mes, pero sí el a pronunsiá e bendishon.

FRANCIS TABATA UN SORPRESA

Papa Francisco a nace Jorge Mario Bergoglio dia 17 di december 1936, na Argentina. Dia 13 di maart 2013, el a wordo eligi como Papa, despues di Benedicto XVI, kende a renuncia algun siman prome.

E escogencia di Francis tabata un sorpresa, pasobra cu 76 aña e tabata parce mucho bieu pa ta un candidato serio. E tabata tambe e promé papa for di pafó di Europa for di siglo ocho.