De Meza ta tuma su desicion despues di reunion entre Eman y Gobernador diamars

ORANJESTAD – Parlamentario Mike de Meza (AVP) ta warda te mayan diamars, pa dicidi finalmente kico e ta haci riba su ‘situacion’. Mayan tin un reunion planea entre formador/prome minister Mike Eman cu Gobernador di Aruba, y ta despues di e reunion, de Meza ta saca su conclusion y dicidi cua di e opcionan e ta tuma. E tabata basta disgusta y rabia  siman pasa ainda, y a declara esey publicamente riba su situacion unda cu ainda no por keda cla cu ne pa e por huramenta como e ultimo minister di e gabinete AVP-FUTURO. E la declara siman pasa cu pa e siman aki, e mes lo tuma un decision pasobra e cos ta birando ‘dimas’. 

REUNION TA CRUCIAL

For di fuentenan cerca di e proceso y di de Meza, noticiacla a haya confirma cu e parlamentario di Partido berde, ta warda e resultado di e reunion aki,  pa despues tuma su decision.