Ruman muhe di turista hulandes cu a fayece hoga diahuebs, tambe a fayece

ORANJESTAD – Diasabra polis a confirma cu lamentablemente e señora hulandes cu a wordo transporta pa hospital dia cu su ruman a fayece hoga na Arashi, esta Wille Hoekman (49), tambe a fayece. Prensa hulandes ta raporta cu for di diabierna ta conoci cu e dama a fayece, pero ta diasabra mainta numa, polis a raporta esaki.

E CASO 

Tabata diahuebs cu a keda raporta cu e turista hulandes Dina Brouwer (52) procedente di Urk, Hulanda, a fayece hoga diahuebs na altura di Arashi na aki na Aruba. Su ruman muher Wille Hoekman mientrastanto tabata interna den hospital den un estado critico. E la bin Aruba cu su ruman mher cu a bin bishita su yiu muher cu ta coriendo stage na Aruba. Y e la bin Aruba cu e otro yiu muher y su ruman (Wille) cu su dos yiunan. Segun informacion, Brouwer lo a haya un problema cu curason y a hoga.   Probablemente su ruman muhé a purba di yuda, pero e tambe a haña su mes den problema serio. Den estado hopi critico, Wille mester a wordo interna den Hospital Dr. Horacio E. Oduber na Aruba. Su esposo Klaas Hoekman (dokter di cas na Staphorst) a biaha mesora pa Aruba.  E pueblo Urk ta den shock y e morto di ambos señora a bira noticia tambe na Hulanda.