- AAA: No mester kita sapato mas na aeropuerto ora di screen pa biaha!
- Avion di American Airlines cu a bati alarma prome, a baha bek sano y salvo na Aruba
- Gobierno a anuncia multa y sancion si viola prijs di producto den canasta basico
- Debe di gobierno na banconan a baha considerablemente caba den 2026
- Awe gana 150 mil florin cu Roll Down di Lotto di Dia
Post Aruba N.V. tin un director nobo
ORANJESTAD - Minister di Finansa, Asunto Economico y Sector Primario, Geoffrey Wever, a presenta sra. Esther Gomez como e director nobo di Post Aruba N.V. Tabata diahuebs mainta, den presencia di minister Wever, Raad van Commissarissen, empleadonan y demas stakeholdernan, a firma un acuerdo laboral cu Sra. Emerencia-Gomes.
Segun Wever, Post Aruba N.V. a enfrenta reto significativo durante hopi aña, tanto den e ambito financiero como operacional. E empresa tabata den necesidad di reorganisacion pa bira mas stabil, competitivo y sostenibel den un mundo di comunicacion cu ta cambia rapidamente. Na nivel global, e industria di post ta den transicion continuo y Aruba no ta un excepcion.
Den aña 2024, como parti di un proceso di reorganisacion, a apunta un Raad van Commissarissen nobo y despues Sra. Esther Emerencia-Gomes hunto cu Sr. Ramoncito Croes a wordo instala como e directornan suplente. Nan tabata encarga cu carga e transicion di Post Aruba pa un rumbo nobo.
Durante su presentacion, Minister Wever a destaca cu e ultimo lunanan tabata tin señal positivo. Despues di 12 aña, Post Aruba N.V. y sindicato SEPPA a logra yega na un acuerdo colectivo nobo (CAO), un paso esencial pa crea stabilidad laboral; un paso di progreso necesario pa por sigui mehora servicio di e compania.
"Mi ta contento cu poco poco, despues di hopi esfuerzo, nos ta mira paso concreto den direccion corecto. Sra. Emerencia-Gomes ta hiba un experiencia amplio, un liderazgo firme y alabes husto, y un deseo pa traha pa un Post Aruba N.V. cu ta resiliente y moderno. Masha pabien y hopi exito cu e trabounan bo tin bo dilanti," Minister Wever a expresa. Tambe e mandatario ta gradici e Raad van Commissarissen pa nan trabou ehemplar y diligente encamina pa yega na e logro aki.
Minister Geoffrey Wever lo sigui traha cerca cu Post Aruba N.V. y su directiva pa apoya e transformacion necesario, pa nan por transiciona pa un modelo comercial mas fuerte, efectivo y orienta riba e necesidad real di comunidad Arubiano.
Gobierno a anuncia multa y sancion si viola prijs di producto den canasta basico
ORANJESTAD - Gobierno di Aruba diahuebs a informa cu lo introduci multa y sancion pa negoshinan cu ta viola e prijsnan oficial di productonan den Canasta Basico. Ministro di Finansa y Asunto Economico, Geoffrey Wever, a indica cu e medida ta parti di maneho di gobierno pa proteha consumidornan y sigura cu precio di productonan di prome necesidad ta wordo respetá.
Debe di gobierno na banconan a baha considerablemente caba den 2026
ORANJESTAD – Gobierno di Aruba a logra baha su debe na sistema bancario local de forma significativo den e ultimo añanan. Esaki ta sali na cla for di cifranan di posicion financiero di gobierno. Na 2022, e debe netto di gobierno na Centrale Bank y banco comercialnan ainda tabata 353 miyon florin Arubano. Na 2023, e cantidad ey a baha pa 234 miyon florin, y na 2024 e a baha ainda mas te poco mas cu 208 miyon florin. Durante 2025, e debe a sigui baha te casi 56 miyon florin. Na cuminsamento di 2026, e posicion a mehora ainda mas. Segun cifranan di januari, solamente 4,8 miyon florin di debe netto tabata keda.
Wever-Croes ta pidi claridad riba eliminacion di Departamento di Mucha y Hoben
ORANJESTAD – Parlamentario Evelyn Wever-Croes a presenta preguntanan parlamentario na ministro di Educacion tocante eliminacion di Departamento di Mucha y Hoben (DMH), e instancia cu tabata encarga cu supervision riba centronan di cuido di mucha na Aruba.
Universidad di Aruba a entrega plan strategico na minister
ORANJESTAD - Awe Universidad di Aruba a comparti cu nos nan plan strategico pa 2026-2035 y nan relato financiero di aña 2024. Nos a dialoga encuanto e vision di universidad, acreditacion y areanan di enfoke pa e periodo nos dilanti. Sigur un reunion hopi inspirativo pa loke ta trata e paisahe di educacion superior riba nos isla
MEP kier encuesta parlamentario contra minister pa asunto di avion priva
ORANJESTAD – Fraccion di MEP den Parlamento ta considerando pa inicia un encuesta parlamentario contra minister Gerlien Croes, pa haya claridad riba cuestionnan tocante su conducta, entre otro su presunto biahe den un jet priva.
Rotonde dilanti Cas di Cultura ilumina color patriotico den marco di celebracion nacional
ORANJESTAD - En conexion cu e celebracion di 40 aña di Status Aparte y 50 aña di Himno y Bandera di Aruba, e rotonde conoci como “Las Americas”, situa riba e ruta entre aeropuerto y e area hotelero, a wordo ilumina cu luz blauw como simbolo di orgullo nacional y union.
Follow NoticiaCla
