Ricky Martin, Kool & The Gang y Gipsy Kings ta den CNSJ 2025

WILLEMSTAD – Diahuebs atardi, e promé nòmbernan di e di djesun edishon di Curacao North Sea Jazz Festival a keda anuncia. Riba díanan 28, 29 i 30 di luna di ougùstùs benidero, públiko lo por bin disfrutá di: Kool & The Gang, NE-YO, Ricky Martin Snoop Dogg, entre otro. Benta di karchi di entrada ta kuminsá próksimo djábièrnè 4 di aprel 2025.

E festival akí lo kuminsá riba djárason 27 di ougùstùs ku un konsierto gratuito di e artista QUIQUE den e pueblesito di Kurá Hulanda (na Otrobanda). E otro tres díanan di e festival lo tuma lugá manera semper, i ku ya kaba a bira di kustumber, den “World Trade Center” na bahía di Piskadera. Riba djaweps 28 di ougùstùs lo hasi su aparishon nada ménos ku e konosido Gilberto Santa Rosa i tambe Kool & The Gang, djábièrnè día 29 di ougùstùs lo presentá Gipsy Kings di Diego Baliardo, Kandace Springs, Paul Carrack i Sheila E. ku e E-train. Anto pa su manisé djasabra 30 di ougùstùs segun ya nan a konfirmá, e invitadonan spesial ku ta: Cimafunk, Cory Henry, Gonzalo Rubalcaba & Hamilton De Holanda ku invitadonan spesial Ivan Lins i Gabriel Grossi, Jacob Collier i Snoop Dogg. Den e lunanan benidero nos lo anunsiá mas nòmber di artista ku lo duna nan presentashon.

Gilberto Santa Rosa, ku su apodo komo "El Caballero de la Salsa", ta un direktor di orkesta i kantante puertorriqueño di tantu Salsa komo di Bolero. El a lansa un gran kantidat di álbum eksitoso, anto el a gana tambe seis premio Grammy i el a superá benta di mas di tres mion di disko na Merka i Puerto Rico. Su último álbum tin e título di:“Debut y Segunda Tanda, Vol. 2 di aña 2024”.

Kool & the Gang a habri su paso di popularidat na aña   1973 ku e álbum ‘Wild and Peaceful’ i el a sigui optené masha hopi  éksito mas aserka, inkluyendo esunnan di: Ladies' Night, Celebration, Get Down On It, Let's Go Dancin' (Ooh La La La), Joanna i Cherish. Esei a kombertí e banda den un di e prinsipal bandanan musikal di e género di ‘funk/disco’ for di final di añanan ‘70 te yega na meimei di añanan  ‘80. E banda akí a bende mas di 70 mion di disko rònt mundu, anto el a keda inkluí den ‘Salon di Fama’ di e género musikal di “Rock & Roll” na aña 2024.

Gipsy Kings di Diego Baliardo ta un banda di su famianan di Fransia ku nan raísnan katalan. Despues di a biaha tur kaminda rònt den su propio país i a toka entre otro na: kasamentu, festival i fiestanan di riba kaya, añanan ‘80 a trese pa nan fama i ku esei nan di tres álbum homónimo huntu ku e éksitonan: ‘Djobi Djoba’ i “Bamboléo’. Diego Bailardo mes tabata ei presente for di prinsipio pa awor e liderá e banda ei, ku e miembronan original di Gypsy Kings i su generashon nobo. 

Kandace Springs ta un kantante i pianista merikano di  jazz i soul ku a nase na Nashville, den estado merikano di Tennessee. El a krese ku e diskonan di su tata di entre otro: Ella Fitzgerald, Billie Holiday i Dusty Springfield. Manera e tabata krese, su propio smaknan musikal tabata inkluí artistanan manera Sade i Lauryn Hill; i tambe vokalistanan ku el a honra den su álbum masha  personal ku e título di:”The Women Who Raised Me”. Aña pasá e di sinku álbum di Springs a keda lansá, ku e título di: “Run Your Race”.  

NE-YO ta un kreadó di éksitonan musikal na nivel mundial. Pa motibu ke e ta i konsiderá komo un gran Kompositor ikóniko, aktor, empresario i filántropo i ademas di tur eseinan ganador di tres premio Grammy®. Su obranan musikal ya nan a generá i a produsí un total di 23 mil mion di reprodukshon rònt di henter mundu. E ta konosí pa su éksitonan musikal mundial ku tin komo título: “Miss Independent, Closer i su disko sengel di debut, titulá: “So Sick”, ku a gana e metal di platina kuater bes i ku a enkabesá e prestigioso Billboard Hot 100. Tambe el a skirbi éksitonan musikal pa e artistanan manera: Rihanna, Beyoncé i Usher. Resientemente el a lansa su eksitoso sengel musikal ku e título di: “Show Me”.

E kantante i tambe un bèrdadero super strea puertorriqueño di nòmber Ricky Martin a kuminsá su karera artístiko komo solista na aña 1991 i esei  tabata e inisio tambe ku el a logra habri su pasonan artístiko internacionalmente ku su di tres álbum yamá ‘A Medio Vivir’ di aña 1995, ku e éksitonan manera: María, La Copa De La Vida, Livin' La Vida Loca, She Bangs, Nobody Wants To Be Lonely i hopi otro mas. Martin sin ningun duda ta un di e artistanan latino-merikano ku tin durante tur tempu mas di 70 mion disko bendí rònt mundu. Ricky a gana dos Grammy, sinku Latin Grammy un kantidat grandi di hopi otro prestigioso premio mas komo artista i kantante.

Yu muhé di e famoso perkusionista di jazz, Pete Escovedo, ku e nòmber artístiko di Sheila E. a nase ku un amor ferviente pa sonidu di tur sorto di instrumènt di Batería di kueru i di Konga. Den añanan ’80, e kolaborashon ku Prince a hib’é na optené fama mundial tambe na éksitonan musikal manera The Glamorous Life, The Belle Of St. Mark i A Love Bizarre. Sheila E. tambe a kolaborá ku hopi otro artista, manera Phil Collins, Gloria Estefan i Beyoncé. Aña pasá, el a lansa su di nuebe álbum ku e título di: ‘Bailar’ i e sengel “Bemba Colorá”, ku a premié ku su promé premio di un ‘Grammy’.

"E mihó kantante den e género musikal di ‘soul’ ku su wowonan blou prosedente di Gran Bretaña", Paul Carrack, a gana fama di ta un gran solista i tambe komo miembro di vários banda musikal konosí manera ‘ Ace’, Squeeze i Mike + The Mechanics. El a lansa tambe un serie di álbum komo solista i el a optené un disko éksitoso ku e kansion ‘Don't Shed A Tear’ di aña 1988. E kantante akí a keda  bautisá komo "E Hòmber ku e Bos di Oro" dor di BBC, realisando numeroso gira musikal i el a emití su último álbum musikal ku e título di: “How Long” aña pasá.  

Cimafunk ta e asina yamá  “alter ego” di e Kantante, Kompositor i tambe Productor di orígen kubano yamá Erik Alejandro Iglesias Rodríguez, konosí pa su mesklanan di e  géneronan di ‘funk i tambe hip-hop’ ku músika cubano i esun afrokaribeño. Riba su álbum di aña 2021, ku a keda aklamá pa krítikonan ku e título di, ‘El Alimento’, Cimafunk a kolaborá ku nòmbernan konosí manera George Clinton, Lupe Fiasco i CeeLo Green. Su último álbum, Pa' Tu Cuerpa, ku e ophetivo pa triunfá musikalmente, a keda lansá aña pasá. 

El cantante y multi-instrumentista Cory Henry ta sobresaliendo huntu ku su órgano Hammond B3. El a topa ku su almanan oochi den Snarky Puppy, pero na aña 2018, el a legumai kolektividat para kombèrtí tur e  lokalidatnan di presentashon di rònt mundu den tèmpelnan di ‘funk’ kaminda karchinan di entrada tabata kabaden un rat’i ora ku su mes banda, yamá:                            “E Apòstelnan di Funk”. E último álbum di Henry, ku su título ‘Church” di aña 2024, a dun’é komo su promé premio un ‘Grammy’ di solista i tambe komo e Mihó Álbum di: “Gòspel di Raís”. 

E pianista i kompositor kubano di jazz ku su nòmber Gonzalo Rubalcaba, a uni forsa aña pasá ku e  bandolista brasileño di nòmber Hamilton de Holanda. E resultado di e kolaborashon ei entre e dos maestronan  latino ei a bin resultá den e álbum ku e título di: “Collab”, ku a keda inmediatamente nominá pa risibí un premio Grammy. Riba e esenario nan ta keda akompañá pa  dos invitado espesial, ku ta e kantoutor yamá Ivan Lins y e harmonista Gabriel Grossi.

Un otro kantoutor, multi-instrumentista i produktor britániko di e nòmber Jacob Collier, ta keda konsiderá komo un di e  artistanan hóben di mas talentoso di  aktualidat. Na  aña 2013, su videonan a haña e tendensia di bira viral riba ‘YouTube’. Jacob a gana su dos promé ‘Grammynan’ ku kansionnan di su álbum ku el a debutá kuné hibado e título di: “In My Room” anto pa despues di esei e kuminsá traha riba e obra musikal Djesse, ku ta un proyekto ku ta konsistí di kuater parti.  E último parti k uta hiba di título: “Djesse Vol. 4”, a keda estrená na aña 2024.   

E magnate den e ramo di entretenimiento Snoop Dogg, a reina durante un periodo di kasi tres dékada. For di día ku e álbum ku el a debutá kuné, ku e título di “Doggystyle” na aña 1993, a  logra alkansá number 1 riba e prestigioso Billboard 200 i ku a produsí vários disko sengel ku a bin resultá finalmente entre e 10 promé luganan riba e tabla di posishon di popularidat musikal. E ta un Rèper, Kantante, Kompositor, Aktor, Produktor musical, DJ, un Personalidat den e Mundu di Medionan di Komunikashon Sosial, Empresario i un Íkono merikno. Ademas di tur e empresanan komersial di Snoop, e mes ta partisipá aktivamente den obranan di karidat a traves di numeroso organisashon sosial.

E amsterdames o sea bo por yam’é tambe amsterdameño QUIQUE, tin e kustumber di skucha prinsipalmente e género di e muzik di “hip-hop”, pero el a deskubrí tambe esun di Reggaeton i e estilonan  tradishonal manera Salsa i Cumbia, anto awor e ta  inkorporá nan den su propio estilo di músika ku e ta desaroyando aktualmente. QUIQUE ya tin e eksperensia di a toka den festivalnan di prestigio i renombre manera NN North Sea Jazz, Lowlands i tambe Down the Rabbit Hole mientras el a realisá tambe giranan musikal eksitoso den klupnan. Aña pasá a sali na benta riba merkado musikal su álbum ku el a debutá kuné, ku e título di: “El Colombolandés”. NOTA: E texto ta scirbi den Papiamento fonetico di Corsou.