Diahuebs ex parlamentario Sevinger ta tende si e mester paga 900 mil florin bek

ORANJESTAD – Diahuebs mainta tempran, corte ta dicta sentencia den e caso di expropiacion di 900 mil florin mas of menos como parti di e caso Avestruz. Corte lo dicidi diahuebs mainta si e ex minister y parlamentario tin cu bay paga e suma ey bek na pais Aruba, placa cu segun Ministerio Publico, e lo a malversa y of laba durante e periodo cu e lo a enrikese sum es como minister. 

NO TA HUSTO

“Mi ta haci trabou aki aya. Mi no por acepta cu mi lo a ricibi 900 mil (florin) ilegal. Mi no tin bista, no sa kico mi ta bay haci. Si mi ta bay prizon, si mi ta bay Hulanda pa haya trabou, kico ta pasa cu mi famia”. Asina un Benny Sevinger kibra y na yoramento, a splica huez ora cu e mester a papia ora cu huez a trata e caso na february ultimo.