Biaheronan pa Aruba por mehora nan bishita via proyectonan di volunturismo

ORANJESTAD - Aruba, un utopia Caribense, ta gaba cu beachnan di clase mundial, tempo idílico, cushina delicioso y un cultura acogedor. E “Un Isla Felis” aki ta ofrece multiple oportunidad pa bishitantenan contribui na preservacion di e ecosistema delicado di e isla. For di programanan di boluntario di hotel te na eventonan impulsa pa comunidad, biaheronan por participa den iniciativanan significativo cu ta sostene comunidad y medio ambiente local di Aruba. Un di esnan mas grandi di su tipo den Caribe, CEDE Aruba su Aruba Doet ta un evento di boluntario riba henter e isla cu ta wordo teni riba 16-17 di mei.

Pa medio di e esfuersonan aki, biaheronan por yuda sostene e bienestar di flora, fauna, tera y awa di Aruba y crea experiencianan memorabel y impactante durante nan estadia. Proyektonan di boluntario pa bishitantenan ta inclui limpiesa di playa y naturalesa, pintura mural, hardineria, decoracion, renobacion y construccion.

Ademas Aruba a implementa un Tarifa di Sostenibilidad di $20 pa bishitantenan cu ta yega via aereo na e isla. E tarifa aki lo sostené un kantidat di proyekto dirigí riba engrandesé i mehorá esfuersonan di sostenibilidat riba e isla.

Boardwalk Boutique Hotel Aruba ta un di e propiedadnan cu su Do-Good Program cu ta inspira huespednan pa sostene e comunidad y medio ambiente local na Aruba.