Sureste Asia afecta pa un temblor masivo, morto y daño extenso na Myanmar

MYANMAR - Sureste Asia a wordo afecta pa un temblor grandi. E tabatin un magnitud di 7.7 cu un epicentro den Myanmar Central. E temblor tabata pa 12:50 ora local. E ta 5.5 ora mas laat eynan cu na Hulanda.

Myanmar a declara estado di emergencia pa seis region, agencia di noticia AFP a informa. Por lo menos tres persona a muri den e pais ora cu un moskee a cay parcialmente, testigonan ocular a bisa e agencia di prensa Reuters.

Regimen militar di Myanmar a pidi ayudo internacional. Segun lider di junta Min Aung Hlaing, donacion di sanger ta nesesario pa victimanan na Naypyidaw, Mandalay i Sagaing.

No ta conoci exactamente cuanto persona tin morto y herida na Myanmar. Loke si ta cla ta cu e temblor a causa hopi daño.

Medionan local na Myanmar a raporta daño na casnan, edificionan y camindanan na varios lugar. E brug di Ava cerca di Mandalay tambe a basha abou. Ademas, segun informe, e ex-palacio real den e ciudad a haya daño.