FMSA a clarifica: Aruba no ta cumpra productonan petrolero di Venezuela!

ORANJESTAD – Aruba no ta cumpra gasoline for di Venezuela. Asina e compania responsabel pa compra di gasoline pa nos isla, Fuels Marketing & Supply Aruba NV (FMSA) a bisa diamars, relaciona cu e hecho cu e menasa di Merca contra paisnan cu ta cumpra gasoline for di Venezuela. Paisnan cu ta cumpra gasoline for di Venezuela, y ta haci negoshi cu Merca, ta bay paga tarifa extra como castigo, entrante 2 di April proximo. De echo, e unico gasoline cu Aruba a cumpra di Venezuela tabata na februari di 2024, bou di e acuerdo di Barbados. ‘Ademas, Aruba a obtene un licensia OFAC di Merca for di mei di 2024, pa heavy fuel oil. Pero e licensia aki no a wordo usa debi na e preocupacion di confiabilidad di e producto, conforme regla di WEB. 

GASOLINE FOR DI MERCA

Ademas, FMSA a sigura cu for di prome cu 2020, ARuba ta importa gasoline limpi for di refineria di Merca, na Lach Charles. Pa loke ta e otro producto, HFO mixto, ta bin di multiple localidad incluyendo Colombia, Panama y St Croix. “Pero no for di Venezuela”, e compania a sigura comunidad di Aruba.