Na Corsou, e # 2 di MFK a haya 6 mil voto mas cu e propio lider

WILLEMSTAD - E resultadonan personal di elekshon di parlamentu 2025 a drenta i kasi por bisa ku no ta un sorpresa. Den tur skina tabatin indikashonnan ku Javier Silvania lo a kue mas voto ku e lider polítiko di Movementu Futuro Kòrsou, sr Gilmar Pisas. I e resultadonan ta;

Gilmar Pisas lider di MFK a haña 11583 voto, miéntras Javier Silvania a haña 18264 voto.

Ta sigui Charles Cooper ku 3194, Charetti Amérika Francisca 1243, Sithree van Heydoorn 1223, Shalten Hato 1383, David Seferina 516, Ishahier Monte 435 voto i Juniel Carolina 408.

Despues di nan tur ku a sigui no a haña mas ku 274 voto ku por sierto a bai pa Shurendi Pieternella. Despues ku na elekshon di 2017 Gerrit Schotte a haña 15706 voto, Pisas a haña mil voto mas na 2021 i awor ta sigui Javier Silvania ku no ta lider di MFK, ku a haña 18264 voto. Kompará ku elekshon di 2021, por konkluí ku Gilmar Pisas a bai atras ku  5 mil voto (2021; 16.912).

Javier Silvania ta subi un lista pa elekshon pa promé bia, i den un tiru e ta logra su so 5 asiento miéntras Pisas su kantidat di votonan lo ta bon pa 3 asiento.

Pa loke ta e parlamentarionan di MFK, ta solamente Carolina i Seferina ta esnan ku a kue respektivamente 408 i 516 voto. E otro parlamentarionan a haña lo siguiente na voto; Gibi Doran 217, Fergino Brownbill 220, Ramon Yung 180, Maria Nita 218, Eduard Braam 108 voto.

Un total di 3 miembro riba lista di MFK a haña ménos ku shen voto. Ta trata di Judeline Gijsbertha ku 43, Kelvin van Kimmenaede ku 94, Sandy Losiabaar ku 65 voto.

Pa loke ta e urnanan  lo siguiente; Na urna 1 te ku 7 i tambe urna nr 9  i na urna 107 ku ta prisòn, ta Gilmar Pisas ta esun ku a kue mas voto ku Silvania, miéntras ku e sobra urnanan esta na 98 urna ta Javier Silvania ta esun ku a kue mas tantu voto. NOTA: Texto ta scirbi den Papiamento fonetico di Corsou.