Na Hulanda, lidernan di partido kier disolve PvdA y Groenlinks y lanta partido nobo

DEN HAAG – E partidonan politico Hulandes PvdA (Partij van de Arbeid)  y GL (GroenLinks)  mester wordo disolvi. Por lo menos esey ta e intencion di ambos directiva di partido, insidernan a bisa diahuebs. E intencion ta pa despues di e elecionnan municipal na 2026, lanta un partido nobo ‘links’ .

GroenLinks y PvdA ta wordo disolvi y un partido nobo ta wordo funda.

Den añanan recien, PvdA y GL a bin ta trahando estrechamente hunto den e Eerste y Tweede Kamer y tambe den algun conseho y provincia di municipio. Pa añanan hende ta soña tocante un fusion den un solo movemento links. E desicion en principio lo wordo poni na votacion durante un congreso dia 21 di juni proximo. E ora ey miembronan di tur dos partido por dicidi si tur dos partido lo uni den un. No ta conoci ainda con e nomber di e partido nobo lo bira.