Veenendaal oficialmente a acepta katedra di Relashonnan den Reino cu discurso inaugural

Posted on 03/11/2025 9:26 am AST | Updated on 03/11/2025 9:27 am AST

DEN HAAG - Prof. dr. Wouter Veenendaal, profesor di Relashonnan den Reino yprofesor asocia den politica comparativo na Universidad di Leiden, ayera, dialuna, a tene su discurso inaugural. Veenendaal a tene e discurso inaugural akí como titular di e katedra (‘leerstoel’) di Representacion Democratico den Reino. Aña pasa ministerio di Asuntonan Interno y Relacionnan den Reino (BZK) a instala e katedra aki.

AGÈNDA DI INVESTIGASHON

Durante su diskurso titulá ‘Riba pia ekivalente? Eskala i demokrasia dentro di e relashonnan den Reino’ Veenendaal a profundisá mas den e diferente komponentenan di su agènda di investigashon komo titular di kátedra. Pa e kátedra, Veenendaal a formulá dos (2) meta: garantisá i amplia investigashon tokante Reino i Relashonnan den Reino, i promové kolaborashon riba tereno di investigashon i enseñansa ku universidat- i sientífikonan riba e islanan karibense. Pa logra e último meta akí, Veenendaal ta reklutá tres asistente di investigashon lokal na Aruba, Kòrsou i Sint Maarten. Den e añanan benidero nan lo bai hasi investigashon huntu kuné komo tim di investigashon di Reino kompleto.

4 LIÑA DI INVESTIGASHON

Durante su diskurso inougural Veenendaal a splika e 4 liñanan di investigashon di su kátedra, ku e ta spera di bai establesé. Nan ta: polítika i demokrasia riba e islanan karibense den Reino mes; representashon demokrátiko di e islanan karibense den Reino; kon ta eksperensia Relashonnan den Reino na Hulanda Oropeo; i investigashon komparativo riba otro áreanan no-soberano.

ENKUESTA DI OPINION

Durante su diskurso Veenendaal a anunsiá ademas e promé resultadonan di un enkuesta di opinion ku el a laga hasi bou di hulandesnan oropeo den preparashon pa su diskurso inougural. A kondusí e investigashon bou di e grupo di eksperto renombrá di LISS di Universidat di Tilburg. Mas òf ménos 2,700 persona a partisipá den e enkuesta akí i a kontestá diferente pregunta di konosementu i opinion tokante Reino. Ta pa promé biaha ku a tene un enkuesta di opinion di e magnitut akí na Hulanda tokante Reino.

IMÁGEN MAS POSITIVO

E resultadonan di e enkuesta di opinion akí ta demostrá ku hulandesnan oropeo sa poko tokante Reino i relashonnan den Reino. Solamente un kuart ta bisa ku nan ta na altura di esaki. Tòg nan tin un imágen mas positivo di Relashonnan den Reino ku hopi biaha ta pensa. Asina por ehèmpel un mayoria ta di opinion ku habitantenan di e islanan mester ta liber pa sigui muda pa Hulanda i ku Hulanda tin un obligashon moral pa pèrkurá pa e islanan. E grupo mas grandi ta opiná tambe ku Hulanda mester sostené e islanan finansieramente i ku habitantenan di Hulanda Karibense mester tin e mes benefisionan sosial ku na Hulanda Oropeo.

HOPI SEREMONIA

Formalmente e diskurso inougural a sirbi komo aseptashon di Veenendaal su funshon komo profesor speshal resien nombrá. Un diskurso inougural ta un evento importante ku hopi seremonia. Manera ta kustumber otro profesornan tabata presente, tur bistí den nan toga.

KOMISHON DI GUIA

E komishon di guia pa e kátedra, yamá tambe kuratorio, ta konsistí di presidente Marja Spierenburg, profesor di antropologia di desaroyo duradero i medionan di eksistensia na Universidat di Leiden, Gert Oostindie, profesor emérito di historia kolonial i pòst kolonial na Universidat di Leiden, Tom Louwerse, profesor asosiá di siensia polítiko i direktor di investigashon di Instituto di Siensia Polítiko di Universidat di Leiden i Saskia de Reuver, Direktor Relashonnan den Reino di Paisnan di e ministerio di BZK.

DESAROYO DI KONOSEMENTU

De Reuver a felisitá Veenendaal na nòmber di direktorado-general di Relashonnan den Reino i ministerio di BZK. ‘E kátedra ku Wouter Veenendaal ta okupá ta hopi importante pa desaroyo di konosementu den i tokante Reino. Ta maravioso pa mira ku Wouter ta atendiendo e enkargo akí ku asina tantu entusiasmo i profeshonalismo. NOTA: E texto ta scirbi den Papiamento fonetico di Corsou.

Rey Willem-Alexander: ‘Hulanda y Corsou lo yega leu na Mundial’
AMSTERDAM - Durante su discurso na recepcion di aña nobo den Palacio Real na Amsterdam, Rey Willem-Alexander a bisa e.o. cu e ta confia cu Hulanda y Corsou lo yega leu den Mundial di futbol e aña aki.
Mas Hulanda
Lesa Mas
Na Hulanda, Wilders no ta bai papia cu partidonan cu ta forma gobierno
DEN HAAG - Lider di PVV, Gert Wilders, a bisa cu e no ta bai papia cu informador Letschert ni cu e tres partido cu ta forma gobierno. E a anuncia esaki riba X. “Si e otro lider politico ke papia, esei ta asunto di nan,” segun Wilders. “Pero PVV no lo yuda na ningun manera cu ta desbarca Hulanda. Jetten (D66), Yesilgoz (VVD) y Bontenbal (CDA) a invita tur otro lider politico pa papia e dianan siguiente. Esaki ta despues cu e tres partidonan a dicidi forma un gobierno di minoria. E plan por funciona solamente si otro partido ta dispuesto pa duna apoyo den cierto tema. Wilders a bisa cu e lo combati e gabinete nobo “hopi duro y sin limite.” E lider di PVV ta bisa cu e ta preocupa pa politiconan cu por yega: “Mester reduzí gasto den cuido y seguridad social, laga ley di reparticion di refugiado sigui, y stop total di asilo cu barera fuerte na frontera.”
Mas Hulanda
Lesa Mas
Ainda tin centenares di maleta cu a keda atras na Schiphol
SCHIPHOL - Na aeropuerto Schiphol tin hopi maleta cu ainda no a wordo entrega despues di problema cu mal tempo siman pasa. Un vocero ta calcula cu ta trata di centenares di maleta, pero e no por duna un cifra presis. Aerolineanan y e empresa cu ta maneha bagage ta traha duro pa hiba nan na nan doño. Siman pasa, hopi buelo a wordo cancela varios dia pa motibo di sneeuw y biento fuerte. Hopi maleta a yega despues di e pasahero. Pesey, un parti di e maletanan a keda para na Schiphol. E vocero no por bisa ora tur e maleta lo wordo entrega: “Esaki ta dependente di aerolineanan y e maneho.”
Mas Hulanda
Lesa Mas
D66, CDA y VVD a skohe pa forma un gabinete minoritario
DEN HAAG – Partidonan politico hulandes D66, CDA y VVD hunto a dicidi cu nan ta bay forma un gabinete minoritario. Esaki ta e principal conclushon cu informador Letschert a saca for di nan reunionan na e sitio di reunion na Zwaluwenberg. E tres partido negociante a invita e lidernan di varios partido di oposicion pa papia tocante sosten pa nan. Nan ta bolbe wak si nan por yega na acuerdo riba asuntonan mas grandi.
Mas Hulanda
Lesa Mas
KLM ta cancela 80 buelo diabierna riba Schiphol pa motibo di sneeuw y ijs
SCHIPHOL - Weer di invierno ta causa cu diabierna hopi buelo a wordo cancela na aeropuerto Schiphol. KLM a anuncia cu e la cancela preventivamente 80 buelo cu ta sali y yega na e aeropuerto, pasobra anochi ta spera mal weer. Especialmente buelo pa destino Europeo, unda hopi biahe ta sali tur dia, lo no tuma luga. Tur siman aki hopi cientos di buelo a wordo cancela na Schiphol. Pasobra e condicionnan di weer diahuebs tabata relativamente bon, KLM a logra opera casi tur buelo e dia ey. Pero diabierna esaki lo no posibel. KLM ta referi specificamente na e prognosticonan pa anochi. Pa resto di e dia, KLM ta bisa cu e situacion “por awor ta mira bon”. Mester bisa mesora cu e 2 buelonan pa awe pa Aruba, ta sigui normal.
Mas Hulanda
Lesa Mas
Tweede Kamer kier cu Hulanda rechasa accion di Merca den Venezuela
DEN HAAG — Un mayoria grandi den Tweede Kamer ta kere cu e gabinete demisionario mester bisa claramente cu Hulanda no ta aproba e accion militar di Merca den Venezuela. E operacion den cual presidente Nicolás Maduro a wordo bagha y manda Merca e weekend pasa, segun esnan partido, ta kibra ley internashonal. Hunto esnan tin 99 di e 150 seatnan den Kamer. E punto aki a sali claramente den un debate cu minister demisionario di Asunto Exterior, David van Weel. Miembro di ChristenUnie, Don Ceder, a pidi e gabinete pa haci publico cu Hulanda ta contra e accion. Segun Ceder, si Hulanda no comenta ora un aliado kibra ley internashonal, otro pais grandi lo sinti nan mas fuerte y por cuminsa usa e regla di “e mas fuerte ta dicidi”.
Mas Hulanda
Lesa Mas