- Hospital Horacio Oduber tambe a participa na simulacro pa Tsunami awe
- Corsou ta den gara total di eleccion pa diabierna!
- Hospitalnan na Hulanda ta anuncia welga nacional
- Kirsty Coventry eligi como presidente nobo di Comite Olimpico Internacional
- Gobernador Boekhoudt a ricibi Consul General a.i. di Merca
Na Corsou, politiconan Cijntje, Pisas i Silvania ta mas popular pa e eleccion parlamentario
WILLEMSTAD.- Kenniscentrum Curacao ku ta afiliá na UDC (The University òf the Dutch Caribbean) pa di 20 aña ta hasiendo enkuestanan ku tin di aber entre otro ku elekshon. E aña aki tambe riba enkargo di EXTRA i Antilliaanse Dagblad, nan a hasi e enkuesta den e siman di 19 pa 27 di febrüari. Manera nos a amplia den otro artíkulo, 76% di esnan ku a keda enkuestá a bisa di lo bai vota pero di e grupo aki 70% sa pa ken i 30% ainda no sa pa ken òf no ta bai vota.
Di e grupo ku a bisa di lo bai vota, 67% a bisa di lo vota pa MFK, 13% pa PNP i 7% pa Man-Pin. Miéntras tantu Par a sinta na 4% ku ta bou di e drèmpel di asiento huntu ku Kousa Promé ku 3%, KEM ku 2%, Mihó Kòrsou ku 2% i Trabou pa Korsou tambe ku 2%. 25% a bisa ku nan voto ta konfidensial konsekuentemente esaki pro influensia e porsentahe.
Den e grupo ku ta duda ainda pa kua partido nan lo vota, nan a menshoná pa MFK 31%, PNP 18%, Man-Pin 17%, Par 17%, Kem 7%, TPK 4%, MK 3%, KP 3%. For di e sifranan ei por mira ku di esnan ku ta duda ainda pa kua partido nan ta bai vota MFK a haña 31% sigui pa PNP ku 18 oi Par 17%.
Na 2023 a hasi un enkuesta kaminda a puntra riba kua polítiko nan tin mas konfiansa den dje, e kontestanan tabata lo siguiente; Javier Silvania ku 41%, Ruthmilda Larmonie Cecilia ku 33%, Ruisandro Cijntje ku 27%, Sithree van Heydoorn ku 27% i Gilmar Pisas ku 23%.
E pregunta e bia aki ta riba polítiko tin mas konfiansa awor i Sithree van Heydoorn no ta den e lista di e promé tres. Den e kaso aki Javier Silvania a sali ku 57%, Gilmar Pisas ku 47%, Ruisandro Cijntje ku 43%, Charles Cooper ku 39% i Ruthmilda Larmonie ku 34%. Remarkabel ta ku den e enkuesta aki e dosnan ku esnan ku a kontestá tin ménos konfiansa, tabata Michelangelo Lo Martinez i Quincy Girigorie, siguí pa Rennox Calmes, Susy Camelia Romer i Ana Maria Pauletta.
Kompará ku e enkuesta anterior na 2023, por mira un oumento den e konfiansa;
Javier Silvania ku 57%, un oumento di 16%, Gilmar Pisas 47% un oumento di 24%, Ruisandro Cijntje 43% ku ta un oumento di 16%, Charles Cooper 39% ku ta un oumento di 21% i Ruthmilda Larmonie Cecilia 34% ku ta un oumento di 1%.
EDAT
Relashoná ku edat di esnan ku ta bai vota a sali na kla ku mayoria di esnan bou di 40 aña ta vota pa MFK i ménos voto serka esnan ku ta 60 òf mas.Pa partidonan PNP, Man-Pin i PAR ta nèt kontrali. Pa nan esnan bou di 40 aña ta ménos i esnan riba 60 aña mas. Pa MFK 89% ta entre 18 i 39 aña i 64% ta entre 40 i 59 aña i 50% 60 aña i mas. Pa PNP e ta 2% esnan di 18 pa 39 aña, 16% entre 40 i 59 aña i 19% riba 60 aña. Pa Man-Pin e ta3% esnan entre 18 i 39 aña, 7% esnan entre 40 i 59 aña i 12% riba 60 aña.
E RELASHON ENTRE SEKSO I PARTIDO TA LO SIGUIENTE;
Pa MFK ta hende hòmber 64% i hende muhé 71%, PNO hende hòmber ta 14% i hende muhé 12%, man Pin ta 6% hende hòmber i 9% hende muhé, Par ta 4% hende hòmber i 5% hende muhé.
NIVEL DI EDUKASHON
E nivel di edukashon serka esnan ku a partisipá na enkuesta i ku a bisa pa kua partido nan ta vota ta lo siguiente; pa MFK 47% FO (enseñansa di fundeshi), 69% Mavo LBO LTS, BVO, VSBO, 75% ta Havo/VWO, 80% MBO/SBO i 55% ta HBO Bachelor Universidat (total 67%). Pa PNP esaki ta, 23%,15%, 8%,6% i 17% (total 13%), pa Man-Pin e ta 12%, 5%, 6%, 1%, 15% (7%). Por konkluí ku esnan ku edukashon mediano ta vota mas pa MFK miéntras ku esnan ku un estudio mas haltu ta vota mas pa PNP, Par i Man-Pin. NOTA: Texto ta scirbi den Papiamento fonetico di Corsou.
Corsou ta den gara total di eleccion pa diabierna!
WILLEMSTAD – Un total di 8 partido politico lo ‘midi forza’ diabierna awor, pa e proximo eleccion parlamentario. Loke ta notable, ta e despliege di material visual tur rond di Corsou. Mientras cu pa ley na Aruba ta prohibi pa pone material politico riba e.o. palo di luz, na Corsou, a usa netamente e forma ey pa desplega e bandera di partido y borchi.
Na Corsou a bolbe detene pastoor pasobra a viola condicion di libertad
WILLEMSTAD – Manera ya a bira konosí, djabièrnè último den oranan di anochi pastor Carlos a bolbe keda detené, despues ku djárason den oranan di mainta el a keda poné den libertat bou di vários kondishon ku e mester a tene su mes na dje. Entre nan ku e no tabatin mag di drenta den kontakto ku niun testigu den e kaso aki, òf persona ku ainda tin ku hasi nan deklarashonnan. Segun informashon ku Extra ta dispone di dje, Pastor Carlos no por a kontené su mes i a yama tur e persona involukrá den e kaso aki i instruí na nan kiko nan tin ku bai deklará. Pastor su telefòn a keda di tap, kaminda outoridatnan por a skucha e kòmbersashonnan i mes ora a hasi detenshon di pastor, mirando ku e no a sigui e regla i kondishonnan.
Na Corsou a detene Griffier di Corte penal pa violacion sexual
WILLEMSTAD - Korte di promé instansia kasi tur siman ta trata kasonan lamentabel di inmoralidat. Ta algu ku sigur ta lantando kabes aki na Kòrsou i ta halando hopi atenshon den sala di korte. Lamentablemente hustisia mester a pone man riba un ‘griffier’ di korte di kasonan penal ku ta traha den Kas di Korte aki na Kòrsou. Ta trata di un griffier hulandes ku ta sinta den kasonan penal banda di e wes. Aparentemente e akusashonnan ta hopi serio ku a pone ku a detené e hòmber akí inmediatamente. Segun e informashon dispone di dje, e hòmber hulandes akí ta keda akusá pa ‘verkrachting’ ku ta violashon seksual. Aparentemente tin hopi sekresia rondó den e kaso akí na tantu Kas di Korte komo den Ministerio Públiko. Investigashonnan ketu bai ta andando den e kaso akí ku sigur ta unu lamentabel pa ámbos organisashon ku ta para pa hustisia i sigur ta baha ku peso fuerte riba e tipo di kasonan akí. NOTA: E texto ta scirbi den Papiamento fonetico di Corsou.
Polis na Corsou investigando traficacion di hende despues di naufragio fatal
WILLEMSTAD – Kuerpo Polisial Kòrsou ta investigando un posibel kaso di trafikashon di hende despues di un naufragio den kua dies persona a keda reskatá i un dama a fayesé. E boto, cu a bin di Venezuela, a bolter riba lama y a yena cu awa. E castawaynan tabata den peliger mortal te ora cu nan a wordo rescata den awanan teritorial di Curaçao.
Corsou ta haya un station meteorologico ultramoderno na aeropuerto
HATO – Servicio Meteorologico Corsou a cuminsa cu instalacion di un stacion di weer nobo, ultra-moderno na Aeropuerto Internacional Hato. E stacion ta programa pa ta operacional pa fin di maart y lo provee datonan di weer den tempo real na control di trafico aereo 24 ora pa dia.
Ayera na Corsou tabatin e ceremonia di apertura di Weganan Interinsular
WILLEMSTAD.- Otro edishon di Weganan Interinsular ta kla pa start awe aki na Kòrsou. Esaki kaminda atletanan di Aruba, Boneiru i Kòrsou lo kompetí kontra otro den diferente ramo di deporte.
Follow NoticiaCla
