Minister hulandes ta protesta durante combersacionnan comercial cu Merca: ‘No ta asina e ta funciona’.

WASHINGTON - Aunke tin hopi cos den wega pa Europa y Hulanda debi na e menasa di tarifanan for di Merca, Minister Klever (Comercio Exterior y Yudansa pa Desaroyo) no a hiba ningun negociacion durante su bishita na Washington. “Pero mi a laga sa bon cla cu impuestonan ta dañino.”

No tabata un aterisahe suave pa Reinette Klever na Washington. Tabata un touch-and-go, manera nan ta bisa, unda cu e avion a touch e pista y despues mesora a bolbe lanta vuelo. Poco despues, e avion, cu a bini for di Canada, por a baha sano y salvo. E por ta bon simbolico di e tempo turbulento den cua e minister di comercio tabata e prome minister for di Den Haag pa informa na Washington di Donald Trump.

Klever a papia eynan cu e representante comercial di Trump, Jamieson Greer. “Esaki tabata un reunion di introduccion,” Klever ta bisa. “No tabata un negociacion, pues no a intercambia ningun menasa.” Riba e bai bin di impuestonan, e ta bisa cu el a “trece atencion na e echo cu tin hopi cos na peliger.”