Na Hulanda a lansa programa Cari-Aire como apoyo pa studiantenan

Posted on 03/7/2025 9:10 am AST | Updated on 03/7/2025 9:10 am AST

DEN HAAG - Diahuebs ultimo a tuma lugar na Den Haag lansamento di e programa Cari-Aire, un programa di apoyo pa studiante.

Departamento di Aviacion Civil di Aruba (DAC) ta e entidad responsabel pa regula y supervisa e industria di aviacion na Aruba. Den cuadro di esey, tin hopi tarea, hopi varia, cu e departamento ta eherce. Un di e tareanan aki ta pa promove oportunidadnan den aviacion, den tur sentido di palabra. Un di e maneranan pa haci esaki ta pa yuda nos studiantenan cu oportunidadnan pa core stage of completa nan afstudeerproject na Aruba. Esaki ta conta en particular pa studiantenan rubiano cu ta studia den e ramo di aviacion.

Pa por haci esey na un manera mas efectivo a lansa, en conhunto cu stakeholders, e programa Cari-Aire. Esaki ta un programa, cu apoyo di Gobierno Hulandes, cu ta wordo maneha pa e fundacion “WeConnect”. E programa Cari-Aire ta yuda studiantenan pa core stage y afstudeer den Caribe Hulandes. E ayudo ta encera tanto ayudo financiero como logistico. Cu otro palabra, e ayudo ta representa un pakete completo, unda tur cos ta wordo regla pa e studiante. Cari-Aire ta un programa unico cu lo ofrece un experiencia practico valioso na e studiantenan y lo contribui pa fortifica e autoridadnan di aviacion civil y e industria di aviacion den Caribe Hulandes y tambe e lasonan di cooperacion entre e paisnan concerni. Pa loke ta Aruba, Departamento di Aviacion Civil di Aruba ta fungi como e punto di contacto pa e programa aki.

Departamento di Aviacion Civil di Aruba ta sumamente contento y orguyoso pa anuncia cu Sr. Charles Huntington ta bira e prome studiante Arubiano pa haci uzo di e programa aki. Charles actualmente ta completando su estudio di “Applied Science, Aviation Operations”, na Universidad di Amsterdam. Charles lo completa su afstudeerproject na Aruba cerca Departamento di Aviacion Civil bou di e programa di Cari-Aire.

Durante e “kick-off event” diahuebs ultimo na Den Haag, a splica e programa y su importancia, y a presenta e tres studiantenan cu lo bay core stage den Caribe Hulandes bow di e programa Cari-Aire. Esakinan ta, banda di Charles Huntington di Aruba, tambe Ghyslaine Sambo, y Abdullah Kendir, kendenan lo bay core nan stage na Corsou. Durante e evento a hiba palabra entre otro Sra. Marjan van Giezen (MT-lid Luchtvaart) di Ministerio di Infrastructura di Hulanda, sra. Tanja Fraai di e fundacion “WeConnect” y Sr. Edwin Kelly, director di DAC (via videoconference). Sra. Joselin Croes, directeur di Kabinet di Minister Plenipotenciario di Aruba na Hulanda, tambe tabata presente na e evento importante aki.

Cu esaki ta haci un yamada na tur studiante Arubiano cu ta interesa pa core stage of afstudeer na Aruba, pa tuma contacto libremente cu Departamento di Aviacion Civil of Arubahuis pa obtene mas informacion tocante e programma Cari-Aire.

Finalmente, DAC ta gradici Sr. Marius Sliedrecht cu a tuma e iniciativa pa cu e programa aki, fundacion “WeConnect” pa encarga cu e implementacion, y tambe tur otro stakeholders cu a contribui pa haci e programa importante aki bira un realidad. Cu esaki ta desea Charles y e otro studiantenan un bon biahe y tur clase di exito cu nan stage of afstudeerproject.

Hospitalnan na Hulanda ta anuncia welga nacional
AMSTERDAM - Personal di hospital den henter Hulanda lo bai den welga pa un dia meimei di april. E sindicatonan a anuncia esaki. Cu e welga nan kier pone presion riba e Asociacion di Hospital Hulandes (NVZ) pa ofrece mihor condicionnan di trabao.
Mas Hulanda
Lesa Mas
Na Hulanda, comision Relacionan di Reino a termina den pleito
DEN HAAG – E animosidad entre e partidonan di gobierno Hulandes a yega tambe na e Comision di Relacionnan di Reino cu di otro manera tabata trankil. Esaki a sosode diaranson durante un reunion, manera cu e portal koninkrijksrelaties a raporta. Partnernan di coalicion Faith Bruyning (NSC) i Peter van Haasen (PVV) a intercambia argumentonan verbal, despues di cua e prome a bandona e reunion rabia. Despues el a keda suspende pa presidente Olger van Dijk (NSC) pa bai tras di su compañero di partido cu despues a disparce for di bista.
Mas Hulanda
Lesa Mas
Na Hulanda, lidernan di partido kier disolve PvdA y Groenlinks y lanta partido nobo
DEN HAAG – E partidonan politico Hulandes PvdA (Partij van de Arbeid) y GL (GroenLinks) mester wordo disolvi. Por lo menos esey ta e intencion di ambos directiva di partido, insidernan a bisa diahuebs. E intencion ta pa despues di e elecionnan municipal na 2026, lanta un partido nobo ‘links’ .
Mas Hulanda
Lesa Mas
Gabinete Schoof ta den crisis pa plan di defensa di UE
DEN HAAG – Awe mainta 10’r a cuminsa un reunion di crisis entre Prome Minister hulandes Schoof y e cuater partidonan di coalision PVV, VVD, NSC y BBB. Schoof a pidi e cuater partidonan pa bin cerca su ministerio pasobra tres partido, cu excepsion di VVD, a yam’é na ordo pa loke ta trata politica di defensa Europeo. Fuentenan ta bisa ku Schoof ta haña esaki un situacion intrababel.
Mas Hulanda
Lesa Mas
Veenendaal oficialmente a acepta katedra di Relashonnan den Reino cu discurso inaugural
DEN HAAG - Prof. dr. Wouter Veenendaal, profesor di Relashonnan den Reino yprofesor asocia den politica comparativo na Universidad di Leiden, ayera, dialuna, a tene su discurso inaugural. Veenendaal a tene e discurso inaugural akí como titular di e katedra (‘leerstoel’) di Representacion Democratico den Reino. Aña pasa ministerio di Asuntonan Interno y Relacionnan den Reino (BZK) a instala e katedra aki.
Mas Hulanda
Lesa Mas
Encuentro tocante oportunidadnan educativo riba islanan
ORANJESTAD – Sociedad Hulanda-Aruba, den colaboracion cu Den Haag Universidad di Ciencia Aplica y Comision Hulandes di UNESCO, ta organisando un encuentro tocante enseñansa riba e islanan Aruba, Bonaire y Curaçao. E enfoke ta riba e discucion di setenta aña tocante idioma den enseñansa y su consecuencianan pa e oportunidadnan edukativo di alumnonan i e desaroyo di e islanan.
Mas Hulanda
Lesa Mas