- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Jacobs (AZV): Declaracion di director di hospital ta sorprende nos
ORANJESTAD – “E declaracion di director di hospital (drs Jacco Vroegop) a sorprende nos y alabes straña nos masha hopi. Nos di AZV no ta reconoce nos mes den su palabranan”. Asina director di AZV ir. Edwin Jacobs a reacciona na Noticiacla diaranson. Esaki ta e reaccion riba e declaracion di Vroegop haci den e programa Noticiacla LIVE unda cu e ta bisa e.o. cu si kier pa baha wachttijd di specialista, AZV mester paga mas placa.
AZV TA ASISTI HOSPITAL
Segun Jacobs, Organo Ehecutivo di AZV a bin ta asisti hospital riba diferente tereno y den diferente forma pa e mehora su mes y mehora servicionan pa nos aseguradonan. Y esaki sigur ta refleha den hospital su ultimo tres cuentanan anual caminda hospital ta cera e surplus. “Sin apoyo di AZV esaki no tabata posibel” Jacobs ta sigui bisa. Segun e director di AZV, durante e ultimo 4 añanan a apoya hospital den traha riba listanan di espera den e areanan di:
urologia MDL: stoma, tripa y higra ginecologia pediatria KNO: orea, nanishi y gargante radiologia dialyse.“No solamente AZV a financia hospital pa e extra dokter, enfermero specialisa y trahador administrativo den e camponan aki, pero AZV a asisti hospital cu ekipo tambe”. Asina AZV a financia:
extra machine y stul pa dialyse diferente ekipo y machine pa endoscopia un camber nobo di endoscopia upgrading di MRI ekipo pa patologia digital camber hyperbarico ekiponan pa detecta cancer na boca di matris ekiponan pa detecta cancer den tripaYUDA MAS PERO..
Segun Jacbos, AZV por a yuda cu mas, pero hospital a usa su maximo capacidad pa ehecuta proyectonan.
ASISTENCIA PA 2025
“Pa e aña aki nos a palabra cu lo asisti hospital den mehora su definicion di lista di espera, mehora su midimento y monitoreo di esaki. Ademas a palabra di asisti hospital den mehora e productividad di su specialistanan”, Jacobs a sigui bisa.
TEY PA ASEGURADONAN
No por keda sin menciona cu AZV tey pa su aseguradonan, e director ta continua bisando. “Na momento cu no por haña e cuido cu nos aseguradonan tin mester na Aruba na entre otro hospital, AZV ta cumpra esaki den exterior na hospitalnan internacionalmente certifica.” Aña pasa AZV a paga 35 miyon na hospitalnan na Hulanda, Merca y Colombia pa asina mas o menos 850 asegurado ricibi cuido di calidad halto.
“AZV a keda institui pa percura pa nos ciudadanonan tin acceso igual na cuido di calidad, cuido eficas y eficiente, y pa 24 aña caba AZV ta cumpli cu esaki y lo sigui cumpli”, Jacobs a finalisa bisando.