Benny Sevinger den corte diabierna awor pa expropiacion di casi 1 miyon florin

ORANJESTAD – Diabierna awor, ex minister y parlamentario Benny Sevinger ta den corte pa trata e caso di expropiacion di fondo, pa un total di casi un miyon florin. Pa ta exacto, ta papia di un suma di AWG 940.000,= florin cu Ministerio Publico ta sospecha cu e lo a adkeri y laba durante e periodo cu e tabata minister, y unda cu e la keda sentencia caba pa su ‘envolvimento’ criminal den e caso Avestruz. Mientras cu e caso ta bayendo casacion, diabierna awor corte lo trata e parti financiero di e caso. E intencion ta cu kier forza Sevinger pa paga e suma menciona bek na pais Aruba. Den pasado, a purba trata e caso aki caba, pero a opta riba conseho di abogado di Sevinger e tempo ey, pa warda e caso penal tuma lugar y bin cu un sentencia. Na October aña pasa a trata e caso den pro forma, y pa diabierna awor, e ta poni riba ‘rol’ di corte pa wordo trata, cuminsando pa 8’or y mei di mainta.