DUO ta amplia servicio den e area Caribense

WILLEMSTAD - E aña aki durante primavera, Dienst Uitvoering Onderwijs (DUO) lo hasi dos test na Corsou. Alumnonan di scolnan secundario lo ricibí informashon tokante estudio na Hulanda via un sistema elektróniko (e-learning). Banda di esaki DUO lo habri un ofisina di servisio na Kòrsou pa un aña. Futuro i eks studiantenan por bai einan pa sosten personal ku preguntanan tokante finansiamentu di estudio i debe di estudio.

Meta di ámbos inisiativa nobo ta pa garantisá ku futuro studiantenan ta mihó prepará pa nan estudio, pa asina nan por tin un bon komienso na Hulanda. Ademas, DUO ta premirá ku e presensia di e ofisina di servisio lo por asistí èks-studiantenan mas mihó den pago di nan debe di estudio. 

ENSEÑANSA ELEKTRÓNIKO (E-LEARNING) ‘EKSPLORÁ BO FUTURO’

DUO a desaroyá e sistema elektróniko (e-learning) ‘Verken je toekomst’ [‘Eksplorá bo futuro’] pa asina mas bien duna studiantenan i nan mayornan un bista di e asuntunan práktiko mas importante ku nan lo eksperensiá ora nan bai studia na Hulanda. Dor di sigui e enseñansa elektróniko (e-learning) aki, studiantenan ta haña konosementu básiko tokante finansiamentu di estudio, seguro, supsidio, bibienda i atministrashon finansiero. A krea e kontenido den kolaborashon ku Dienst toeslagen, Zorgverzekeringslijn, JiP, LSVb i Rechtswinkel Amsterdam. Riba petishon di Ministerio di OWCS Kòrsou, DUO ta ofresé e enseñansa elektróniko (e-learning) durante e tèst na tur studiante na Havo 4 i Vwo 5 di Kolegio Alejandro Paula (KAP). E enseñansa elektróniko (e-learning) ta un tèst di dos siman. Si e enseñansa elektróniko (e-learning) ta eksitoso, e ora ei lo ofresé esaki na otro skolnan tambe den e área di Karibe.

OFISINA DI SERVISIO NA KÒRSOU

Durante e promé mitar di aña, DUO lo habri un ofisina di servisio na Kòrsou. Studiantenan ku kièr bai studia na Hulanda, mayornan i èks-studiantenan ku ta pagando un fiansa di studiante bek por pasa einan pa haña konseho sin tin mester di traha un sita. E empleadonan por yuda tambe ku yenamentu di formulario òf, por ehèmpel, petishon pa hasi nan pago lokal òf redukshon di e montante mensual. Banda di esaki e empleadonan lo bishita skolnan tambe pa duna informashon tokante finansiamentu di estudio. E ofisina di servisio inisialmente lo habri pa un periodo di un aña. NOTA: Texto scirbi den Papiamento fonetico di Corsou.