Pushi den container a sorbrevivi biahe di Hulanda pa Corsou sin cuminda y awa

WILLEMSTAD.- Ta algu inkreibel ku un pushi por a sobrebibí den un biahe entre Ulanda i Kòrsou., den kònteiner riba laman, segun Stichting Kitten Rescue Curacao. E storia aki a hala hopi atencion cu hasta prensa Hulandes a raporta ariba riba e.o. NOS. E kònteiner a keda tres siman riba kaminda i tabatin un siman para na Kòrsou promé ku a habrié. Kemen un total di 4 siman sin kome i sin bebe i na final di e biahe den sirkunstansianan hopi kayente tambe. E pushi a bira hopi flaku i tabatin miedu pero por lo demas e ta bayendo hopi bon kuné, bou di e sirkunstansianan aki.

Na kuminsamentu di febrüari Stichting Kitten Rescue Curacao a keda aserka di forma urgente pa e empresa AMC Cargo. Nan a habri un kònteiner i ei den tabatin un pushi. Nan a keda puntra si nan por tuma e pushi aki. Un ratu despues a purba kue e pushi ku un net pero no a logra ya kue tabata bai mas paden di e kònteiner kaminda tabatin yen palèt para. Despues a disidí di pone un kouchi ku kuminda ku ta hole dushi den dje i sera e kònteiner bek. Djis un ora despues a logra kue e pushi i a transporte pa Kitten Rescue. Einan a hasi un chekeo na e pushi i a wak su situashon. A resultá ku su kondishon tabata hopi bon. El a bira flaku si pero por lo demas e tabata bon. A resultá ku a yena e kònteiner na Moerdijk dia 11 di yanüari i a disidí di habri bek te na momentu ku mester a saka e kosnan for di dje ku ta serka AMC Cargo dia 7 di febrüari, kaminda a haña e pushi mesora.Ta inkreibel ku e pushi a hasi un biahe di 4 siman den e konteiner., sin kome i bebe i den un skuridat total.

E pushi awor ta den karentena na e sentro di Kitten Rescue pa e por haña forsa. Komo no sa masha di e pushi, kisas e tin un doño.  Lamentablemente e no tin un chep i p’esei ta puntra na tur hende ken konosé e pushi. Esun ku por tin informashon di dje por mande na info@kittenrescuecuracao.com. Si resultá ku e no tin doño lo pone disponibel pa adopshon. NOTA: Texto ta scirbi den Papiamento fonetico di Corsou.