Wilders ta menasa di baha gobierno si cambia leynan di asilo

DEN HAAG – Creando un posibel crisis gubernamental, lider di partido PVV Geert Wilders a bisa di lo baha gobierno si cambia leynan di asilo. Fraccion di PVV unanimamente a dicidi di no acepta ‘ningun cambio’ den e leynan di asilo di Minister Marjolein Faber. Lider di partido Geert Wilders a bisa esaki awe tardi. Si un otro partido, manera NSC, kier cambia esaki, ‘ta fin pa e gabinete aki’.

E declaracinnan di Wilders ta parce di ta un contesta directo na e parlamentario di NSC Nicolien van Vroonhoven. Awe mainta e la reitera e posicion di su partido cu ahustenan na e proposicionnan legislativo riba asilo, manera proponi pa Conseho di Estado, mester ta posibel.

Lider di PVV Geert Wilders anteriormente a bisa cu e plannan mester wordo simplemente implementa sin cambio y cu NSC ta hunga cu candela si e partido sigui insisti riba cambionan.

Prome Minister Schoof ta ‘semper habri pa mehoracion’, el a bisa mas trempan awe despues di preguntanan riba e consehonan di Conseho di Estado riba e leynan di asilo di Minister Faber. E organo principal di conseho a dicta cu e leinan ey mester wordo amienda.