Google Maps a cumpli cu Trump: Golfo di Mexico a cambia pa Golfo di Merca

MIAMI - Riba Google Maps na Merca, Golfo di Mexico awor ta wordo yama Golfo di Merca. E cambio ta resultado di un orden ehecutivo firma pa presidente di Merca Trump luna pasa.

E asunto ta regarda e lama den Oceano Atlantico cu ta frontera cu cinco estado Mericano, cuater estado Mexicano y Cuba. Google Maps ta bisa cu e ta usa nombernan cu ta aparece den fuentenan oficial di gobierno. Si e nombernan den e fuentenan ey cambia, e nombernan riba e website tambe lo cambia.

Na Mexico, e area ta sigui wordo yama Golfo di Mexico riba Google Maps, y den e resto di mundo e ta wordo yama “Golfo di Mexico (Golfo di America)” den e respectivo idioma.