WASHINGTON - E invoerrechten cu presidente di Merca Trump kier a impone riba Canada lo no sigui por lo pronto. Prome minister Canades Trudeau a anuncia esaki despues di un combersacion telefonico cu Trump. Algun ora promE, el a suspende restriccionnan di comercio similar pa Mexico. Na mes momento, e invoerrechten pa China ta keda na su luga y China a anuncia contramedidanan awe.
Trump a anuncia diasabra cu e lo impone un invoerrechten adicional di 25 porciento riba Canada y Mexico. Despues di combersacionnan cu e hefenan di gobierno di ambos pais, awor el a wordo posponi.
Trudeau ta bisa cu el a yega na acuerdonan cu Trump riba mihor seguridad na frontera, manera un inversion di 1.3 biyon dollar pa helicopternan nobo, tecnologia y personal. Tambe lo tin un solo punto di contacto pa combati exportacion di e droga fentanyl y cartelnan di droga awor lo wordo clasifica como organisacionnan terorista, mescos cu na Merca. Canada a anuncia mayoria di e medidanan aki na december, pero awor e dos paisnan a bolbe discuti nan.
MIAMI - Riba Google Maps na Merca, Golfo di Mexico awor ta wordo yama Golfo di Merca. E cambio ta resultado di un orden ehecutivo firma pa presidente di Merca Trump luna pasa.
CARACAS - Venezuela a manda dos avion pa Merca pa busca compatriotanan cu ta biba eynan ilegalmente. Segun e agencia di noticia AP, esaki ta indica un posibel mehoracion den e relacionnan entre e dos paisnan. Por lo menos un avion awor a yega aeropuerto di Maiquetia, net panort di e capital Caracas.
BRUSELAS – Lider di UE, Ursula von der Leyen, ta adverti presidente di Merca Donald Trump di un contrareaccion despues di su decision di impone un tarifa di importacion di 25 porciento riba hero y aluminio Europeo. “E tarifanan inhustifica aki riba Union Europeo lo no keda sin contesta y lo conduci na contramedidanan fuerte y proporcional.”
BRUSELAS – Comision Europeo a reacciona cu cautela riba e anuncio di presidente di Merca Donald Trump di impone invoerrechten nobo di 25 porciento riba hero y aluminio. Sinembargo, Bruselas ta adverti e mericanonan: “Nos lo respondé pa proteha e interesnan di companianan, trahadonan i consumidonan Europeo contra medidanan inhusto.”
JUNEAU- Trahadonan di rescate na Alaska a lansa un buskeda despues cu un avion no a logra yega su destinacion. Tabatin diez persona abordo: un piloto y nuebe pasahero.
WASHINGTON - Promé Minister di Israel Benjamin Netanyahu a sostene proposicion di presidente Mericano Donald Trump pa “tuma over” Gaza, mientras cu e ehercito di Israel a haya ordo pa prepara plannan pa cantidad grandi di Palestino bandona e teritorio.