PHILIPSBURG – Diaranson 29 di Januari Minister Grisha Heyliger – Marten a habri e evento Taking the Reins: Aruba, Curaçao, and Sint Maarten - Driving Their Economic Future in Sint Maarten. Un evento di tres dia dirigi riba expertonan economico di Aruba, Corsow y Sint Maarten cu lo trata e futuro economico sostenibel di e tres paisnan.
“Nos proposito ta cla: pa trece huntu expertonan y profecionalnan cu ta traha riba un futuro sostenibel di estadonan insular. Y pa comparti conosemento, lanta ideanan, y construi coneccionnan den henter Caribe y Reino Hulandes. Pa guia nos combersacionnan, nos a scohe e cuadro di Estadonan Chikito den Desaroyo (SIDS). E ta hopi relevante pa Aruba, Corsow y Sint Maarten, y e ta duna nos un fundeshi internacionalmente reconoci pa construi riba dje. E por ofrece un vicion y acercamento comparti pa construi economianan resiliente. Durante e proximo dianan, nos ta aki pa fortalese asociacionnan, lanta ideanan inovativo, y identifica areanan pa oumentá colaboracion. Nos meta ta pa conclui cu un declaracion colectivo i algun siguiente paso cla den futuro”, asina Lennard Nijenhuis, Coordinating Country Advisor Curaçao pa TWO ta bisa.
Minister Heyliger – Marten a identifica un condicion importante pa construi un economia fuerte den futuro. “Nos mester sa nos destinacion i dirigi nos ruta pa yega einan. Decicionnan mester ta basa riba echonan i no suposicionnan. Usando un acercamento basa riba dato pa tomo di desicion y extende mas leu cu politica pa tuma accionnan clave cu lo sostene e futuro di e hendenan di nos paisnan.”
E evento a wordo haci posibel dor di e Organisacion Temporal y a wordo crea den estrecho colaboracion cu Departamento di Asuntonan Economico, Comercio y Industria (DEZHI) di Aruba, Ministerio di Desaroyo Economico di Curaçao y Ministerio di Turismo, Asuntonan Economico, Transporte y Telecomunicacion di pais anfitrion Sint Maarten.
MIAMI - Un temblor calcula di magnitud 76 a azota Lama Caribe diasabra, noord di Honduras, y islanan y paisnan bisiña a emiti advertencianan potencial di tsunami. Inicialmente, e Centro di ADvertenCia di Tsunami a informA un temblor di magnituD 8 prome cu a revisa esaki.
MIAMI – Gobierno Mericano a confisca avion usa pa gobierno Venezolano pa motibonan priva. Segun informacion suministra pai e portal caracas chronicle, e avion aki tabata haci biahe pa Aruba tambe. E ta un avion di PDVSA cu a wordo tuma den beslag a wordo uza pa vice presidente Delcy Rodríguez, hunto cu amigo y famianan di funcionarionan di Maduro, pa viahenan di ocio. E ta bou di sanshonnan di Tesoro di Merca for di 2020. Asina e portal Venezolano ta raporta.
ORANJESTAD/KRALENDIJK – Riba 17 di december 2024, a wordo funda oficialmente e Federacion “Dutch Caribbean Mental Health”. E federacion aki ta e resultado di un cooperacion unico entre FSMA Respaldo (Aruba), GGZ Corsou, Verslavingskliniek Brasami (Corsou), PSI Skuchami (Corsou), y Mental Health Caribbean (Bonaire, Sint Eustatius, y Saba). Mental Health Foundation (Sint Maarten) a indica cu nan lo uni mas despues na e colaboracion aki.
PHILIPSBURG - Soul Beach na St Maarten, cu ta tuma luga pa 21-26 di mei, tin e potencial pa atrae mas cu 4.000 bishitante i inyecta miyones den economia. Di acuerdo cu e Hefe Ehekutivo (CEO) di e festival Mark Adkins, e evento aki por tin efectonan economico di gran alcanse, beneficiando un variedad di sector incluyendo benta, restaurant, taxi y mas. E festival por lo general ta atrae alrededor di 7.000 bishitante. E calculacion pa e regreso pa St Maarten ta alrededor di 4.000.
FALCON - Piscadonan ta bisa cu e gas cu a lek na costa di Falcon ta pone boto na peliger pasobra nan no por pasa cerca di dje. Tambe e ta core cu e poco scolnan di pisca cu ta landa den e area, debí na e zonido duro emití pa e lek.
CARACAS - Durante un reunion na Venezuela den cual instancianan gubernamental a delinea proposicionnan pa encurasha produccion y exportacion di cuminda nacional, Federacion Nacional di Cria di Galiña (Fenavi) a propone creacion di un ruta maritimo entre Venezuela y Aruba pa mercadeo di galiña. Esaki ta interesante mientras cu Aruba ta ‘bezig’ cu Colombia pa cuminsa importacion di carni.