Mamanan tiener ta construí un futuro stabil pa nan famianan cu programa di coaching di bida

ORANJESTAD – Participando den ‘From Teenage Parent to Lifecoach’, Aishleen (18) y Shadienne (18) a bin den contacto cu otronan cu ta enfrenta e mesun retonan cu nan. Cu e proyecto aki, ADRA Aruba ta comprometi pa yuda mamanan tiener riba e isla. E organisacion social ta un di e participantenan den ‘Fortalece Famianan Hunto’; un programa pa medio di cual Oranje Fonds y Kinderpostzegels ta duna organisacionnan local e oportunidad pa aumenta nan impacto positivo riba famianan den circunstancianan vulnerabel.

Hopi biaha mamanan tiener ta experencia retonan emocional, financiero i social. Pa medio di job coaching individual y tayernan den grupo, ADRA Aruba ta enfoca riba desaroya nan habilidadnan personal y profesional, haciendo mamanan adolescente mas autosuficiente. “Prome cu mi a bin na e tayernan mi a sinti manera mi a perde tur mi amigonan,” Aishleen ta bisa. “Awor mi a haña mi comunidad.” No solamente e participantenan ta conoce hende nobo, nan yiunan tambe ta hunga cu yiunan di otro mamanan. Den cuadro di e proyecto ‘From Teenage Parent to Lifecoach’ nan ta construi un red social fuerte pa nan mes y nan famia.

RED SOCIAL

Ademas, ADRA ta enfoca riba intermediacion entre mamanan tiener y nan mayornan y mamanan tiener y nan pareha. Presidente di ADRA Calix Ashby i Lider di Proyecto Mirugia Leocadia ta enfatisa e importancia di e red social di mamanan tiener: “Hopi mama di mamanan tiener tabata mama tiener nan mes. Dor di guia participantenan pa traha, nos ta kibra e patronchi ey.” E tatanan di e muchanan hopi biaha tambe ta envolvi den e proyecto: “Nos tambe ta encurasha esey. Nos ta siña mamanan tiener cu ta importante pa un yiu lanta den un famia.”

COOPERACION

Ministerio di Interior y Relacionnan den Reino ta duna sosten financiero pa e programa den e prome aña. P’esey Vincent Storimans y Matthijs van Beusekom tabata invitado den nomber di Representacion di Hulanda na Aruba (VNO) durante un bishita di trabou na ADRA Aruba. Vincent: "ADRA ta duna un contribucion valioso dor di kibra e circulo vicioso cu hopi biaha ta bin cu maternidad hubenil. E proyecto ta siña e participantenan habilidadnan esencial di bida, cu ta haci hopi mas facil pa participa den e sociedad di Aruba." Vincent a puntra e dos partisipantenan anterior: “Kico boso gusta hasi?” Shadienne y Aishleen tur dos ta disfruta di ta den cushina pa traha dushi pastechi; un abilidad adkerí durante e proyecto cu lo ta util ora di haña un trabou.

IMPACTO

Tur aña, 30 mama tiener ta participa den e programa di entrenamento di bida, 10 di nan ta progresa pa un programa di estudio di trabou cu ta guia nan pa un trabou of curso di entrenamento paga. Dor di aumenta e independencia financiero y autosufisiencia di e mamanan aki, nan por construi un futuro stabil pa nan mes y nan famianan.

FORTALECE FAMIANAN HUNTO

Cu e programa di tres aña Fortificando Famianan Hunto, Kinderpostzegels y Oranje Fonds ta sostene diescuater organisacion social na Aruba, Curacao, Saba y Sint Maarten. Esakinan ta organisacionnan cu ta promove oportunidadnan igual pa mucha i hobennan, ta sostene mayornan den circunstancianan vulnerabel y/of ta atende cu problemanan di pobresa. Door di sostene nan cu conosemento, placa i un red, e organisacionnan aki ta haña e oportunidad pa aumenta nan impacto positivo riba famianan den circunstancianan vulnerabel. Ademas e programa ta kontribui na fortalece e infrastructura pa construccion