- Huez: Besaril tabata usa debitcard mucho facil y Ling no a para e actuacion!
- Ling: “Mi tabata naïve y ta sinti mi mes culpable. Mi mester tabata mas alerta!”
- Besaril:” Mi no a kere cu mi lo a caba mi carera asina”
- Corte Superior a pospone caso Sayuri pa haya mas informacion
- Aruba Bank Walk & Run 2025 a ranca sali cu participacion masal
San Francisco Giants ta firma Arubiano Djean Macares y dune bonus miyonario!
SAN FRANCISCO – E ekipo di baseball grandes ligas San Francisco Giants a agregaun par di miho prospecto mas den outfielder Djean Macares for di Aruba y Yulian Barreto for di Venezuela. Segun informe, Macares ta cla pa ricibi un bonus di firma di $1.1 miyon dollar. Macares tin un swing fluido for di e banda robes y ta barí e bala cu regularidad. Actualmente e ta dal bala hopi bon y tin preguntanan tocante si esei lo traduci na poder di home run segun cu e ta desaroya.
Den e clase di e aña aki, Giants a firma un prospecto for di Aruba, un for di Colombia, dos for di Republica Dominicana, un for di Panama, un for di San Martin, y ocho for di Venezuela. Hopi di e prospectonan aki lo aparece den e Liga Dominicano di Zomer mas laat e aña aki. Sinembargo, awe ta marca e prome paso den loke ta ohala un carera largo den baseball profesional pa hopi.
Aruba Bank Walk & Run 2025 a ranca sali cu participacion masal
ORANJESTAD-0 Dialuna atardi pa 6:30pm en punto a marca e comienso pa e di 19 edicion di Aruba Bank Walk & Run 2025. E caminata di 4 dia a cuminsa den Paradera cu hopi energia y entusiasmo.
Mas di 100 persona a core riba pista di Aeropuerto pa un bon causa
ORANJESTAD: Recientemente e team di Wings of Hope (WoH) di Aruba Airport Authority N.V. (AAA) a organisa e di 3 AUA Airport Runway Run riba diadomingo 18 di mei 2025, caminda un total di 150 coredo tabatin e oportunidad di experencia un evento unico mientras ta duna bek na comunidad.
Denzel Dumfries ta yega final di Champions League cu su ekipo Inter
MILAN - Denzel Dumfries, yiu di tata Arubiano, a bria, pero tambe mester a recupera despues di e serie espectakular di dos partido den e semi-final di Champions League, den cua su Internazionale a clasifica pa e final a costo di FC Barcelona. “Mi ta super orguyoso di kon nos a bringa. Ta great ku nos ta den e final atrobe,” e wingback a bisa Ziggo Sport despues. Mescos cu siman pasa na Barcelona (3-3), e partido na Milan tambe tabata yen di gol y cambionan sorprendente. Despues di un empate laat, asisti pa Dumfries, y un gol den tempo di lesion, Internazionale a gana 4-3. “Tabata un partido extraordinario. Esaki ta loke bo ta hasié p’e,” Dumfries a bisa, kende tabata enbolbi den no menos cu cinco gol den e partido di dos wega: dos gol y tres asistencia. “Mi ta hopi orguyoso cu mi por a yuda e team. Aunke e tabata hopi duro pa mi. Mi tabatin un tempu duro.”
Formula Uno: E team di F1 Alpine ta core cu e coredo Doohan, y ta reemplase cu Colapinto
MIAMI - E team di Alpine Formula 1 ta hasiendo un cambio di coredo despues di solamente seis careda di e temporada di Formula Uno. E argentino Franco Colapinto lo tuma over e asiento for di e australiano Jack Doohan pa por lo menos e proximo cinco caredanan.
AVB: No obstante suspension di e presidente, tur actividad deportivo ta continua normal!
ORANJESTAD – No obstante e hecho cu e presidente di Aruba Voetbal Bond (AVB) a keda suspendi, tur actividad deportivo lo continua normal. Esaki tabata e mensahe principal di e secretario general di e asosacion, Achmed Nunes diamars anochi.
Deportista Arubiana cu a keda paralisa despues di accidente na Merca, buscando fondo pa yuda cu gasto
WASHINGTON – E deportista local Miljenka Franken den fin di siman a sufri un accidente cu su brommer durante un competencia na Merca. Na comienso di e careda, e la bolter cu su brommer y a Sali herida. A biaha mesora pa Washington pa opera di emergencia na lomba y weso di lomba. A resulta despues di e operacion, cu Miljenka a keda paralisa di su heup bay abou. Mientrastanto famia a cuminsa un coleccion di fondo, via gofund, pa por dune miho atencion. A compronde cu Miljenka Franken tabata semper un persona activo, mama y casa. Te cu diamars atardi, a logra recauda mas di 27 mil dollar. Pa por yuda cu e fondo, please click AKI.
Follow NoticiaCla
