- Debi na ‘retonan operacional’, SLM ta obliga pa ahusta buelonan pa e.o. Aruba
- Presidente Trump a frena imigracion pa Merca: E prome decretonan di Trump
- Prome caso di asesinato di 2025 na Corsou
- Na Corsou, atrobe Corte ta rechasa suspension di detencion di lider di partido KEM
- Na Corsou a aresta 4 persona cu ta labora na Wardacosta
Gerlien Croes (FUTURO) a keda eligi como presidente di Parlamento
ORANJESTAD – Cu un total di 20 voto y 1 blanco, Gerlien Croes a keda eligi como e presidente di Parlamento. Esaki ta nifica cu e lo ta e presidente di awor te September 2025, ora cu tin e aña nobo di Parlamentario. Como vice presidente a keda eligi Mervin Wyatt Ras cu 12 voto na fabor, mientras cu Shailiny Tromp-Lee a haya 9 voto. Esaki ta nifica cu Gerlien Croes por ta e presidente di Parlamento te September proximo ora cu tin aña parlamentario nobo. E por retira si di e funcion si dado caso e bira minister den e proximo constelacion di gobierno.
LOGICA
Awe mainta Noticiacla a publica e raportahe riba declaracion di Shailiny Tromp Lee cu a sugeri cu ta miho pa e presidente di Parlamento bay pa FUTURO, envez di AVP cu de facto ta e partido mas grandi y cu lo mester haya e funcion. Pero mirando cu tin un formacion andando, e lo ta straño si AVP haya e posicion mientras cu despues resulta cu e formacion no ta entre partido AVP y FUTURO, sino MEP y FUTURO. Cu e votacion aki, e ta elimina pues e problema cu por a surgi, pues e remarke di Tromp no tabata nada malo.
Oduber: Baby Beach ta haya un restaurant acerca pronto
ORANJESTAD – Baby Beach, e parti mas oost di Aruba ta haya un restaurant acerca. Minister Demisionario Dangui Oduber dialuna mainta a informa cu pronto e destaho publico pa construccion di un restaurant mas na Baby Beach lo bai na vigor. E proyecto di restaurant aki ta forma parti di e masterplan di Sero Colorado.E mandatario, den un reaccion cortico pa Noticiacla, a clarifica cu esaki ta bira un di tres restaurant eynan, ubica unda antes tabatin un kiosko entre e area di tennis courtnan.
Oduber: Dentro di poco, auto no por para riba Eagle Beach mas
ORANJESTAD – Minister Demisionario Dangui Oduber a informa cu dos proyecto crucial pa cu e producto Aruba, cual ta Eagle Beach Fase 1 y 2, a keda cla y a wordo entrega. Di biaha ta start cu tur tramite pa e Fase 3 cuminsa awo den 2025, cual proyecto tawata tin varios luna caba den preparacion.
Analisis: Insinua, anticipa y specula… parti di formacion?
Aruba tabata cede di conferencia annual di Ombudsman di Reino
ORANJESTAD - Durante dianan 13 te 15 di januari 2025, Aruba tawata Cede di e Conferencia anual di Ombudsman di Reino. Durante e conferencia, e Ombudsmannan, e Defensornan di Pueblo, a dialoga tocante e desaroyonan mas importante pa Reino y relevante pa e trabou di Defensor di Pueblo. Diaranson mainta, Vice Premier Xiomara Maduro a ricibi e Defensornan di Pueblo na Bestuurskantoor unda a dialoga riba varios punto importante di e trabou di un Defensor di Pueblo.
Minister a aproba pa Primary Care Aruba keda reconoci como ‘zorginstelling’
ORANJESTAD - Minister Dangui Oduber a aproba pa Primary Care Aruba (Fundacion Cuido Primario Aruba) keda reconoci como un "zorginstelling". Esaki ta un entidad oficial cu por brinda servicio den sector di cuido na Aruba.
DBB: Gobierno di Venezuela a core cu mayoria diplomatico Hulandes, y di otro paisnan Europeo
ORANJESTAD - Gobierno di Venezuela a tuma accion contra Representacion di paisnan Europeo na Venezuela entre otro Hulanda, Spaña, Italia, Reino Uni, Suisa y a limita embahadanan na 3 diplomatico. Asina oficina di relacion exterior di Aruba (DBB) a informa diamars atardi. Segun e informacion, embahador di Reino Hulandes y dos persona acredita so lo keda na traha na Embahada, hunto cu e staff local. Demas personal Hulandes lo mester sali di Venezuela dentro di 48 ora. Pues e accion ta solamente trata di reduci e personal diplomatico na e momentonan aki.
Follow NoticiaCla
