Segun medionan di e pais, premier Trudeau di Canada ta retira e siman aki di funcion

TORONTO - Prome minister Canades Justin Trudeau ta ser spera cu pronto lo anuncia cu e ta baha como lider di Partido Liberal y como prome minister. E corant canades The Globe and Mail ta informa esaki a base di tres fuente. E agencia di noticia Reuters tambe ta informa, a base di un fuente anonimo, cu e chens cu Trudeau lo anuncia su retiro a aumenta. Pero e fuente ta enfatisa cu ainda Prome Minister no a tuma un decision definitivo riba esaki.

No ta cla si Trudeau lo bai mesora como prome minister of lo keda te ora cu un susesor wordo skohe. E fuentenan a bisa e corant cu nan no ta sigur ki dia Trudeau lo anuncia su salida, pero nan ta anticipa cu e lo ta por lo menos prome cu diarason. Un reunion di su partido ta planea pa e dia ey.