Companianan local adaptando celebracion di cierre di aña pa falta di pagara

ORANJESTAD – Ta un echo awor cu no tin pagara na Aruba e aña aki y /of hopi limita mes, cu ta haci e panorama di fin di aña, comercialment hopi diferente. Varios compania a anuncia caba cu debi na e problema di pagara, nan no ta celebra e cierre of no ta celebre den e forma usual. Algun a haci e solo hecho cu nan tin, so caba un evento grandi, con grandi cu e por ta. Den e caso aki por nota cu por lo menos un supermercado cu tin menos cu 1 miyon tiro, a haci un anuncio grandi cu e si tin, poco, pero tin, y cu pa tal y tal ora, e ta tira di dje. Otro compania grandi hotelero tambe a anuncia caba cu e aña aki lamentablemente no tin pagara pero cu nan ta sigui celebra di otro forma.

MENOS KLAPCHI

Asina mes, por sinti cu tin hopi menos klapchi ta zonando e aña aki caba. Pues e efecto sigur tey. Aki aya ta tende tiro, pero no manera normal asina cu 27 di December drenta. Lo por midi esaki miho, dia 31 mes, y despues unda cu pa experiencia, mas klapchi ta wordo tira. No ta conoci ainda specificamente con e benta ta bayendo pero ta un echo cu tin escases di klapchi y cu e cantidad limita, a percura pa aumento di prijs.