- Debi na ‘retonan operacional’, SLM ta obliga pa ahusta buelonan pa e.o. Aruba
- Presidente Trump a frena imigracion pa Merca: E prome decretonan di Trump
- Prome caso di asesinato di 2025 na Corsou
- Na Corsou, atrobe Corte ta rechasa suspension di detencion di lider di partido KEM
- Na Corsou a aresta 4 persona cu ta labora na Wardacosta
Dos avion di KLM a bolbe Schiphol despues di salida pa motibo di problema
SCHIPHOL - Dos avion di KLM a regresa Schiphol ayera nochi despues di salida pa motibo di problemanan technico.
E prome vuelo tabata vuelo KL 895 rumbo pa Shanghai, un Boeing 777-200. E avion a lanta vuelo for di Schiphol alrededor di 2:30 PM, pero a bira bek den direccion di Schiphol alrededor di 5:40 PM cerca di Azerbaijan.
KLM a informa na e agencia di noticia ANP cu a surgi problemanan na caminda cu e awa di bebe abordo y cu esaki mester a wordo resolvi na Schiphol. E avion a baha na aeropuerto Hulandes alrededor di 11:30 p.m.
Defecto tecnico
E di dos vuelo tabata vuelo KL 835, un Boeing 777-300 cu mester a bula pa Bali via un escala na Singapore. E avion a lanta vuelo alrededor di 9:45 p.m., a regresa cerca di Alemania y despues a baha bek na Schiphol alrededor di 11:30 p.m.
Aki tambe, KLM ta papia di un defecto tecnico, pero e aerolinea no ta informa kico exactamente tabata pasando. Ningun hende a resulta herida.
Fin di siman pasa, un aerolinea Boeing 737 mester a haci un aterisahe di emergencia den sur di Noruega. Segun medionan Noruego, pilotonan a mira huma ta sali for di e motor banda robes di e avion. KLM ta bisa cu “un zonido duro a wordo scucha” durante salida for di Oslo y cu mas investigacion ta andando.
Neblina pisa na Hulanda ta afectando hopi buelo, incluyendo pa Aruba
AMSTERDAM – Problema di neblina (mist) pisa na varios parti di Hulanda a pone cu cantidad di buelonan ta afecta. Entre nan esun pa Aruba cu segun e informacion colecta, tabatin un retraso ‘chikito’ di 32 minuut. Como 30 buelo a keda cancela, anticipando e yegada di e neblina. Codigo heel ta aplica den centro y zuid di e pais pa motibu di neblina denso. Visibilidad ta localmente menos cu dos shen meter, loke por causa interupcion den trafico. Visibilidad por ta malo, specialmente den e zuidoost di e pais, y e por ta slip tambe na cierto luganan.
Hulanda tambe a baha personal di e embahada venezolano na mitar
WILLEMSTAD/DEN HAAG - Minister Veldkamp di Asuntunan enkargá ku Asuntunan Eksterior a instruí Venezuela pa baha e kantidat di personal diplomátiko na Hulanda na mitar, esta, for di kuater na dos. Esaki e Minister a skibi den un karta pa Tweede Kamer.
Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
DEN HAAG – Ta bergonsoso cu partido politido KEM na Corsou, a apunta su lider Lo Martinez como lijsttrekker, esta pa lidera e lista politico pa e proximo eleccion, siendo cu e persona tin un luna cera caba den prizon, pa sospecho di corupcion. E miembro di Tweede Kamer pa partido PVV Peter van Haasen, a cuestiona e secretario di estado Hulandes Szabó riba e tema aki durante un debate riba islanan CAS diaranson mainta. Segun e miembro di PVV, a spera un intermediacion di parti di Hulanda, pero Szabó a splica cu e no por intermedia den e asunto aki. E ta compronde si cu den e debate di awe mainta, no tin sosten pa e acto cu a tuma lugar na Corsou.
Veldkamp: Hulanda lo actua contra Venezuela despues di expulsion di diplomaticonan
DEN HAAG - Como contesta riba e expulsion di varios diplomatico Hulandes for di Venezuela e siman aki, minister di Relashonnan Eksterior Hulandes Veldkamp a yama e encargado di asuntunan Venezolano (un hende cu ta tuma e tareanan di un embahador) ‘op het matje’. Veldkamp ta yama e desaroyonan un escalacion cu ta haci e dialogo mas complica ainda.
Dies caso di contaminacion pa a come blueberry di Albert Hein na Hulanda
AMSTERDAM - Diez persona a raporta na Albert Heijn ayera nochi laat cu nan a bira malo despues di a come blueberry. E cadena di supermercado a anuncia un retiro grandi despues cu por lo menos diesdos persona a keda infecta cu hepatitis A despues di a consumí blueberry congela.
Van Dijk (NSC) a bira presidente di Comision di Relashonnan di Reino pa Tweede Kamer
DEN HAAG – Olger van Dijk (NSC) ta e presidente nobo di Comision di Relacionnan den Reino di Camara di Representantenan (Tweede Kamer). El a haya 4 di e 6 votonan emiti. Oponente Songül Mutluer (GroenLinks-PvdA) – e presidente interino te ku awe – a risibí 1 voto. E comision aki ta atende cu asuntonan cu ta regarda e.o. asuntonan di Aruba, Corsou y St Maarten y islanan BES. Esaki ta haci su posicion di importancia pa nos.
Follow NoticiaCla
