Atraco team a detene 4 persona durante entrada hudicial diabierna

ORANJESTAD - Diabierna den oranan tempran di mainta Atraco Team (TBP) a tene un entrada hudicial na 3 cas conhuntamente cu MInisterio Publico . Caso ta relaciona cu posecion di arma di candela. 

Na e cas na Matadera a detene e homber J.R.M. Na e cas na Meiveld a detene e homber J.J.V. y na e cas na Driemasterstraat a detene e hombernan O.A.H. y R.J.H.  Tur ta local. 

Durante e entradanan hudicial a confisca un arma di candela como tambe un cantidad grandi di droga.

Diferente unidad di Cuerpo Policial  a forma parti di action aki. Ta trata di Team di Aresto, Flex-Team , K-9 Unit, Recherche di Santa Cruz.No ta descarta cu lo tin mas detencion.

Cuerpo Policial ta haci un apelacion pa es cu a sa algo of a wak algo pa yama e tiplijn di polis cu ta 11141. Bo ta keda anonimo.