Misil ruso lo a tira avion abou na Kazakhstan

AKTAU - E avion di Azerbaijan Airlines cu a cay ayera na Aktau, Kazakhstan, probablemente a wordo abati pa defensa aereo Ruso. Esaki ta loke fuentenan den e gobierno di Azerbaiyán ta bisa e agencia di noticia Reuters y e canal Euronews. E fuentenan ta bisa cu nan ta basa riba e investigacionnan inicial riba e incidente, den cual decenas di persona a muri.

E misil a wordo bisa cu a wordo tira pa un sistema di defensa aéreo Pantsir-S durante un atake di drone di Ukrania den e mesun region. Segun informe, e avion a wordo confundi cu un avion enemigo. E raket a explota banda di e avion, dal pasahero y personal.

E compania Britanico di siguridad di aviacion Osprey Flight Solutions tambe ta yama probable cu un misil Ruso tabata e causa di e accidente.