Na Corsou, registro di votado a sera cu 111.932 ciudadano cu derecho di voto pa eleccion na 2025

WILLEMSTAD  – Dia 21 di mart 2025, pueblo di Kòrsou ta bai vota pa skohe miembronan nobo di Parlamento. Bispu di Pasku, dia 24 di desèmber registro di votadó a sera. Pues tur hende ku ta inskribí aki na Kòrsou i ku tin 18 aña dia 20 di mart 2025 tin derechi di voto. Tur hende ku tin nashonalidat hulandes tin derechi di voto. Pues ta inskribí aki na Kòrsou i tin 18 aña di edat i nashonalidat hulandes, por vota. Manera menshoná registro di votadó a sera dia 24 último i e kantidat di votadónan ku por vota pa e elekshon benidero ta 111.932 siudadano.

Pues un hende ku sédula pero no tin nashonalidat hulandes, no tin derecho di voto. Sédula ta determiná ku e persona ta biba aki na Kòrsou, pero esei no ta nifiká ku e hende ei tin nashonalidat hulandes.

Yunan di Kòrsou ku no ta biba aki na Kòrsou, tampoko lo por vota i si riba e dia aki e persona no ta na Kòrsou, tampoko e por vota, pa motibu ku Kòrsou no konosé  apoderashon.

Fecha nan importante promé ku elekshon ta dia 23 di yanüari i dianan 1, 2, 3 i 7 di febrüari 2025.

Dia 23 di yanüari 2025 ta dia di folklor, esta dia di entrega di lista di partidonan. Esaki por tuma lugá for di 9 or di mainta pa 4 or di atardi, na e ofisina nobo di Konseho Supremo Elektoral Scharlooweg 11.

Riba dianan 1 i 2 di febrüari ta dia nan di preelekshon, esta e dia ku ta sostené partidonan ku no tin representashon den Parlamento. Den e kaso aki pa un partido por partisipá na elekshon, e mester haña 848 voto, esta 1% di votonan bálido di e elekshon anterior, ku tabata 84.846 voto bálido. Lo tin 12 urna pa sostené lista.

Dia 7 di febrüari ta validá e listanan. Despues di e fecha aki niun lista no por kambia mas.

13 di febrüari ta determiná number i koló di kada partido. Dia 21 di mart ta dia di elekshon i lo bai tin 107 urna di kua un urna ta den SDKK. Por vota riba e dia aki for di 8 or di mainta te 7’or di anochi.

Pa garantisá un elekshon liber i transparente riba e dia di elekshon lo tin 1.500 hende ta traha.

Pues un proseso pa yega elekshon ta mei mei di temporada di Karnaval. NOTA: Texto ta scirbi den Papiamento fonetico di Corsou.