BCA: E situacion financiero pa proximo 6 luna ta keda reto pa e consumidor di Aruba

ORANJESTAD – E situacion financiero pa proximo 6 luna ta keda reto pa consumidornan. Asina e ultimo raportahe di Banco Central di Aruba (BCA) ta bisa.  Banco Central di Aruba (BCA) a conclui e Encuesta di Confiansa di Consumidor pa e di tercer trimester di 2024. E encuesta di confiansa di consumidor ta evalua e percepcion economico di e consumidor local.Consumidornan tabata menos pesimista, mirando cu e Indice di Confiansa di Consumidor a subi cu 1,0 punto di indice te na 94,7 den e di tercer trimester di 2024   .

Preocupacion principal di consumidor den e di tercer trimester di 2024:

•        Casi 40% di e respondentenan ta anticipa cu e situation di negoshinan y di economia lo deteriora (2024-II: 43%).

•        Un 38% di e respondentenan ta premira mas dificil pa haya un trabou nobo (2024-II: 34%).

•        Cerca di 30% di e respondentenan ta premira cu e posicion financiero di gobierno lo empeora (2024-II: 37%).

•        Mas cu 20% di e respondentenan ta premira cu e situation financiero di nan hogar lo deteriora (2024-II: 42%).

E Indice di e Situacion Actual a crece cu 0,8 punto di indice te na 94,5 den e di tercer trimester di 2024. Mientrastanto, tanto e Indice di Habito di Consumidor como e Indice di Expectativa a subi cu 1,1 punto di indice te na 94,9 y 1,2 punto di indice te na 95,5, respectivamente, den e di tercer trimester di 2024. Esaki ta indica cu den e di tercer trimester di 2024 consumidornan ainda ta cauteloso encuanto nan habito di compra y fiansa. Tambe, e Indice di Expectativa di Prijs a subi un poco te na 90,4 den e di tercer trimester di 2024.

Respondentenan cu a indica cu nan por “cumpra menos cu nan entrada compara cu 6 luna pasa” a baha te na 90% den e di tercer trimester di 2024. Pa cu e respondentenan cu a expresa cu nan ta spaar menos, esaki a baha te na 41% den e di tercer trimester di 2024. Prijsnan mas halto den e proximo 6 lunanan ainda ta keda un preocupacion grandi pa e respondentenan, apesar di un bahada di 4,0 punto di indice te na 88% den e di tercer trimester di 2024. 

E relato completo di e Encuesta di Confiansa di Consumidor ta disponibel ariba website di BCA www.cbaruba.org