Biden ta cambia sentencia di morto pa 37 detenido pa bida largo den prizon

WASHINGTON - Presidente Mericano Biden lo cambia e castigo di morto di 37 di e 40 personanan cu ta riba lista di morto pa castigo di bida largo. E medida no por wordo reverti pa Donald Trump, kende lo huramenta como e presidente nobo di Merca otro luna.

E medida aki ta spaar bida di personanan condena pa asesinato, incluyendo di polis y personal militar of guardianan y detenidonan den prizonnan federal. Personanan cu tabata envolvi den atraconan mortal riba banco of dealnan di droga tambe ta wordo cubri pa e medida.

E castigo di morto ta keda pa tres homber. E prome ta Dylann Roof, kende a realisá e asesinatonan rasista di nuebe miembro pretu di un iglesia na Charleston, South Carolina, na 2015. E otro dosnan ta e perpetrado di e atentado di Boston Marathon na 2013, Dzhokhar Tsarnaev, i Robert Bowers, kende a tira i mata 11 kongregante na e Tree of Life Synagogue na Pittsburgh na 2018, e atake anti-semita mas mortal den historia di Merca.

Di acuerdo ku e Centro di Informacion di Castigo di Morto sin fin di lucro mericano, actualmente tin mas o menos 2.250 hende riba lista di morto di Merca. E desicion di Biden ta concerní solamente e ‘candela di morto’ federal, riba cua e como presidente tin e palabra final.