- AAA: No mester kita sapato mas na aeropuerto ora di screen pa biaha!
- Avion di American Airlines cu a bati alarma prome, a baha bek sano y salvo na Aruba
- Gobierno a anuncia multa y sancion si viola prijs di producto den canasta basico
- Debe di gobierno na banconan a baha considerablemente caba den 2026
- Awe gana 150 mil florin cu Roll Down di Lotto di Dia
Corte na Hulanda a absolve mama di baby mata pa mordi di cacho
AMSTERDAM - Un dama di 34 aña kende su cacho a morde su yiu homber di dos luna mata den nan cas na Emmeloord no lo haya castigo. Corte ta absolvé di homisidio culpabel.
E baby a keda seriamente herida pa un mordi di cacho den un apartamento na augustus aña pasa. Momentonan prome, e mucha tabata drumi riba sofa, e cacho riba vloer, segun un reconstruccion. Ora cu e mama a bay traha un boter di cuminda pa baby, e bestia a ataca e mucha.
E hoben a wordo reanima pero a fayece den hospital. E cacho, segun Omroep Flevoland un cruzamento entre un Mericano Staffordshire Terrier y un pitbull, a wordo tuma den beslag pa polis. E animal a wordo eutanisa riba conseho di expertonan.
ALGUN SECONDE
Ministerio Publico (OM) a haña cu e dama tabata negligente i a exigí un castigo di prizon condishonal. E sentencia di awe ta mustra cu Corte tambe ta haya cu e dama mester tabata mas consciente di e riesgonan, pero Huez ta considera un castigo (di prison) “no apropia en bista di tur e circunstancianan”. E mama no tabatin bista di e bay y e cacho pa solamente algun seconde, korte a konkluí.
“Ademas, e pregunta ta, parsialmente en bista di loke expertonan ta bisa tocante e cacho su entrenabilidad, si comportasion agresivo pa cu e baby lo a wordo prevení si e muhe a haci mas pa sosialisa y entrena e cacho of si e tabata cu e caco y e baby a keda,” e hues a bisa.
AIVD: Rusia a hack accountnan di WhatsApp y Signal di empleado di gobierno hulandes
DEN HAAG – Hackernan liga cu Rusia probablemente a logra haya informacion sensibel via accountnan di WhatsApp y Signal di empleado di gobierno Hulandes. Esaki ta segun informacion cu a wordo comunica pa media pa servicionan di inteligencia MIVD y AIVD dialuna.
Secretario di estado nobo Van der Burg lo bishita Aruba na april
DEN HAAG – E secretario di estado Hulandes nobo pa Relacionnan di Reino, Eric van der Burg, lo haci un bishita na Aruba na luna di april. E la anuncia esey durante su prome encuentro digital cu prensa di Caribe (unda cu notiacla tambe tabata presente),despues cu e nobo gabinete na Den Haag a tuma cargo.
Hulanda ta conoce aumento di partidonan local lo sigui pa eleccion municipal
AMSTERDAM - Tin hopi mas opcion pa votadornan den e eleccionnan municipal na Hulanda cu lo wordo tene 18 di maart. Casi mil partido politico ta competi pa gana apoyo di votadornan, y di nan 375 no a participa den e eleccion anterior. Esaki ta nifica cu lo tin ainda mas partidonan local y temanan local riba e listanan electoral.
Van der Burg: No ta sostene idea di Eman pa cambia debe di Covid den fondo di inversion
DEN HAAG / ORANJESTAD – Hulanda no ta dispuesto pa sostene e idea di gabinete AVP-FUTURO (lesa: prome minister Mike Eman:red) pa converti e debe actual di COVID den un fondo di inversion. E peticion ey a bin di actual prome minister Mike Eman for di momento cu aña pasa e la bira prome minister atrobe. E prome intento a fracasa ora cu e la puntra e secretario di estado e tempo ey, Eddie van Marum, cu tabata secretario di estado pa Asuntonan di Reino e tempo ey. Awor cu gobierno a cambia, e pensamento pa esaki si a keda mescos. No!.
Vd Burg: No ta dispuesto pa 'cambia' e version actual di HOFA
DEN HAAG / ORANJESTAD – Signatura di Gobierno di Hulanda por a cambia, pero nan pensamento pa cu Aruba su asuntonan no. Esey por a compronde diabierna merdia durante un conferencia di prensa entre secretario di estado nobo di Hulanda pa Asuntonan di Reino Eric van der Burg cu periodistanan di Reino. Riba e tema di HOFA y conversion di debe di covid den fondo di inversion, Aruba a haya cada biaha un no, como contesta. No pa cambio di contenido di HOFA, y no pa converti e debe di Covid den un fondo di inversion.
Minister Schwengle a atende su prome reunion di Conseho di Minister di Reino
DEN HAAG – Minister Schwengle a atende su prome reunion di Conseho di Minister di Reino (RMR). Na final di e RMR tabata tin un momento cu e tres Ministernan Plenipotenciario a pose hunto riba potret. Na e ocacion aki mescos cu tabata e caso di Aruba, pa e Minister Plenipotenciario di Curaçao Errold Bishop tambe tabata su prome reunion di RMR.
Follow NoticiaCla
