Sergio Perez ta bandona ekipo di F1 di Red Bull per direct!

FUSCHEL – E coredo di auto di careda F1 Max Verstappen ta perde su compañero Sergio Perez ‘per direct’. Diahuebs prensa internacional a confirma e noticia cu Red Bull a laga Perez bay, debi na su prestacion pober den 2024. Esaki no obstante e hecho cu e tin un contracto firma te 2026. E mexicano di 34 aña a prolonga su contract na comienso di e aña aki, pero awor mester a bay debi na resultadonan decepcionante.

Pérez a konfirmá e salida riba su página di Instagram. “Danki pa e cuater añanan aki, Red Bull Racing. Mi ta desea bo tur cos bon.” Red Bull tambe ta confirma e final di e colaboracion. Ainda no ta cla ken lo ta e compañero di e cuater biaha campion mundial Verstappen e siguiente temporada.

285 PUNTO ATRAS

Temporada pasa, Perez a termina na di ocho lugar den e tabla di posicion di Mundial, 285 punto tras di e campeon Verstappen. Como resultado, e team di Christian Horner a perde e titulo di constructor, cu a wordo gana pa McLaren. Sigur no ta prome biaha cu un compañero di Verstappen ta wordo manda afo pasobra e no por competi cu e top piloto Hulandes. Red Bull anteriormente a despedí prematuramente di Pierre Gasly (na 2019, awor un coredo na Alpine) y  Alexander Albon (2020, awor Williams). Na 2018, Daniel Ricciardo a skohe pa bandona e team ora a resulta cu e no tabata igual pa Verstappen.