Barco crucero a yega Aruba cu turistanan afecta pa e brote di ‘Norovirus’

MIAMI – Un barco crucero cu a pasa Aruba, a keda afecta pa e conocido virus ‘Norovirus.  Asina e portal conoci pa noticianan di barco crucero, cruisehive, a raporta. E Centronan pa Control i Prevenshon di Malesa (CDC) a confirma un di e brotenan ei abordo di e Zuiderdam di 1.964 pasahero di Holland America Line. E barco tabata riba un biahe cu a sali for di Port Everglades na Fort Lauderdale dia 4 di december 2024.

Na ora di publica e storia aki, 13 di december 2024, CDC a informa cu 74 pasahero di e 1.923 abordo – menos cu 4 porshento di e huespednan – hunto cu cuater di e 757 miembronan di tripulacion di e barco, a bira malu, experenciando síntomanan cu ta incluí diarea, sacamento, kram abdominal , dolo di kabes, i keintura.E cantidad di pasahero  malo a bin ta subi desde cu e team medico di e barco a informa e brote pa prome biaha na CDC dia 11 di december 2024, mientras e barco tabata pasando un dia na Aruba.

Segun CDC, norovirus ta sumamente contagioso i “e causa principal di sacamento i diarea, i malesa transmití pa cuminda na Merca.”

E barco mester a regresa Florida dia 14 di december for di Caribe, unda pasaheronan a bishita Half Moon Cay na Bahamas; Grand Turk den Turks i Caicos; Amber Cove na Republica Dominicana; Kralendijik na Boneiro; Willemstad na Corsou; y Oranjestad na Aruba.

E liña crusero a implementa su plan di prevencion i contesta na brote, cu a inclui isola individuonan afecta i aumenta esfuersonan di limpiesa i desinfeccion pa limita e plamamento di e vírùs.

Den un declarashon na USA Today, un bosero di Holland America a bisa, “Nos a inicia protocolnan di saneamento mehora conhuntamente cu e Centronan di Control i Prevencion di Malesa di Merca pa minimalisa mas transmicion.” Pasaheronan cu mester a sali riba e itinerario di 7 dia ei pa Caribe Oriental a keda informa di un embarcasion retrasa pa motibu di medidanan adishonal di saneamento cu Holland America Line lo haci entre cruseronan.

CON NOROVIRUS POR PLAMA Y WORDO PREVENI

Miéntras cu norovirus ta sumamente contagioso, CDC a raporta solamente 12 brote riba barcunan crusero cu sede na Merca na 2024 – cu cientos di biahe i miles di pasahero cu por a disfruta di un vacacion saludabel. Ainda, esaki no ta e prome brote di aña di Holland America Line. Na maart 2024, su barco di Koningsdam, cu tabata transporta 2.522 pasahero, tabatin 98 invitado i 12 miembro di tripulacion cu a bira víctima di e vírùs riba un biahe di Hawaii i Polinesia Franses.

FIRMA DI CDC

De echo, pasaheronan por “ainda plama norovirus pa te cu 2 siman of mas despues cu bo sinti miho,” cual ta e motibo pakico un brote riba un barco por ta asina desastroso. Mas prome na 2024, P&O Ventura di P&O Cruises a experencia un brote cu, apesar di proceduranan pisa di limpiesa entre nabegashonnan, a sigui plaga e barco di 3.597 pasahero pa lunanan. E brote di mas grandi di e barco, cu a afecta mas cu 500 invitado, a tuma luga durante un nabegacion di 14 anochi for di Inglatera na mei 2024. A descubri cu un biahe anterior di 10 dia na april tabatin casi 100 pasahero cu a raporta malesa, indicando cu e virus no a wordo eradica prome cu e biahe siguiente. Pa cruseronan preocupa pa contrae norovirus, CDC ta recomenda pa laba man “bon y hopi biaha,” limpia y desinfecta superfisie, laba fruta y berdura y cushina molusco completamente, y laba paña den awa cayente. Credito di Potret: bear_productions / Shutterstock