- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
Macron ta apunta François Bayrou como prome minister nobo di Francia
PARIS - Presidente frances Macron a scoge François Bayrou como Prome Minister nobo di e pais. Pasobra parlamento a manda e prome minister anterior Barnier cas, Bayrou mester guia Fransia den tempo políticamente insigur.
Bayrou di 73 aña ta wordo considera un centrista. E no ta un miembro di partido di Macron, pero ta parti di su coalicion cu e Mouvement Démocrate cu el a funda. E tabata minister varios biaha y a purba sin exito pa bira presidente tres biaha.
Un di e prome tareanan di prome minister nobo lo ta e presupuesto riba cual gobierno anterior a cay. Presidente Bardella di e Asamblea Nashonal mesora ta atvertí Bayrou cu su liñanan cora ta conta ainda i cu como lider di un gabinete minoritario e lo mester busca dialogo cu otro partidonan. Sinembargo e kier dun’e e beneficio di duda por lo pronto.
Doño di Tesla, Elon Musk por gana un bonus di 1 biyon dollar
TEXAS - E accionistanan di Tesla a aproba un gran pakete di bonus pa e hefe Elon Musk. Si Musk logra cu balor bursatil di su compania yega 8.5 biyon dollar den e proximo dies aña, e lo ricibi accionnan cu tin un balor di 1 biyon dollar, o sea 1000 miyon dollar.
Horcan Melissa mas destructivo pa motibo di cambio climatico
MIAMI - Horcan Melissa, cu a pasa riba Caribe siman pasa, a resulta mas destructivo como consecuencia di cambio climatico causa pa e hende mes. Esaki ta sali for di un analisis rapido di cientificonan internacional di e grupo World Weather Attribution (WWA), unda tambe e KNMI ta forma parti. Melissa a causa daño grandi na Jamaica, Haiti, Republica Dominicana y Cuba. Por lo menos 75 persona a perde nan bida. E daño na casnan y infrastructura ta subi na miyonnan di euro. World Weather Attribution a calcula kico ta e influencia cu cambio climatico a tin riba e horcan. Segun e analisis, cambio climatico a causa cu e biento tabata 7 porciento mas rapido cu normal, y e cantidad di awa cu a cay tabata 16 porciento mas hopi.
Merca cera: Record shutdown ta pone mas presion riba cuidadanonan vulnerabel
WASHINGTON – Nunca antes Merca a keda asina largo den un shutdown manera awor. Ta 37 dia caba cu Democraatnan y Republicanonan den Congreso no por yega na un acuerdo riba un presupuesto nobo. Empleadonan publico no ta ricibi salario, ta tin retraso na aeropuerto y 42 miyon americanonan tin menos placa pa compra comestible. Prijs di seguro medico ta subi te na dak.
Merca ta limita trafico aereo na 40 aeropuerto grandi di Merca pa motibo di shutdown
NEW YORK - E trafico aereo na cuarenta aeropuerto grandi na Merca lo tin cu wordo limita pa motibo di e shutdown den Merca. Minister di Transporte Sean Duffy a duna instruccion pa reduci e cantidad di buelo for di diabierna cu 10 porciento.
Candidato socialista Mamdani ta gana eleccion pa alcalde di New York
NEW YORK - E social-democrata Zohran Mamdani a sali gana e funcion di alcalde di New York. Medionan di Merca a informa esaki basa riba e voto cu ya a wordo conta. Te awor Mamdani a logra 50.3 porciento di e voto. E politico di 34 aña a competi contra e candidato Republican Curtis Sliwa y e candidato independiente y ex-gobernador di estado di New York, Andrew Cuomo. Desde prome tabata cla cu Sliwa no tabata tin chens den New York democratico Cuomo a risibi sosten di presidente Trump, pero esaki no tabata mira como algo util den e ciudad blauw di New York.
Ex-vicepresidente Mericano Dick Cheney (84) a fayece
WASHINGTON - E ex-vicepresidente Mericano Dick Cheney a fayece, segun e familia su comunicado. E tabatin 84 aña.
Follow NoticiaCla
