Wever-Croes riba resultado eleccion: Nos talves no por a complase tur hende

ORANJESTAD -  “Despues di dos gobernacion, tin desgaste. Nos talves no por a complase tur hende” tabata e prome reaccion di lider di partido MEP Evelyn Wever-Croes diasabra marduga despues di e resultado cu ta duna partido AVP e victoria (faltando ainda un urna si:red). “Den nomber di MEP mi ta gradici nos mas di 17 mil votadornan, pa kere den nos den bon tempo y den mal tempo” Wever-Croes a sigui bisa. “ Ademas nos a hiba un campanja den cual tur otro partido tbt contra nos. Pa mundo henter nos recuperacion tbt impresionante pero pa e cuidadano di Aruba mes, manera ta mustra, e no tabata suficiente” e lider a sigui bisa.

FELICITA GANADORNAN 

“Mi a felicita e lidernan di e partidonan Futuro y PPA caba, cu e resultado di eleccion y mi ta desea nan hopi exito. Cu e resultado manera e ta aworaki, nos no ta e prome yama pa forma e sigiente gobierno” e lider a bisa, mustrando cu e no a felicita AVP ainda si. E la sigura cu e tin su consenshi limpi “pasobra mi sa cu mi ami y coleganan a traha extremadamente duro den gobierno. Mi ta hopi orguyoso di nos logronan. Y mas cu tur cos: mi sa cu mi ta laga Aruba hopi mas mihor cu mi a haye na aña 2017”. 

FOR DI OPOSICION

“Si e deseo di pueblo ta cu nos mester cuida e interes di pueblo for di oposicion, MEP lo t’ey pa defende e pueblo cu talves e ora ey lo comprende e compromiso di MEP cu su pueblo” e lider a bisa finalmente. NOTA: Potret di e votamento di e lider di MEP, mas prome den dia.