Lider di partido MEP a deposita su voto riba un ora diferente cu normal

ORANJESTAD – E lider politico di partido MEP, Evelyn Wever-Croes a cambia su orario di voto e biaha aki, votando den ora di mainta, envez di e acostumbrado atardi (entre 2 y 3’or). Den un reaccion breve pa Noticiacla despues, e lider a bisa cu e la cambia e orario pa duna e mensahe na comunidad pa sali vota trankil. “E ora no tin fila, no tin trafico y tur cos ta bay trankil. Tambe pa reparti e peso di trabou pa cuerpo policial y finalmente pa tambe haya chens e ora pa yuda esnan cu mester ayudo pa bay vota y wak si tur cos ta cana bon. Asina mes un grupo relativamente grandi di simpatisante a compañe, den un tipo di desfile chikito, te na e urna den cual e mester a deposita su voto. Acompaña pa su casa y yiu homber, e lider a deposita su voto y despues a bandona e urna. Notable tambe tabata e interes policial incluyendo presencia di Alto Comisario Arnhem y prensa Hulandes.