Polis diadomingo na Boca Moro a topa cu 2 boto cu bultonan di droga

ORANJESTAD – Polis a informa cu diadomingo mainta pa mos o menos 7:45 central di polis a wordo notifica cu  a topa cu dos boto na Boca Moro. A despacha patruya di polis na e sitio menciona, unda cu e patruya a topa cu 2 boto bandona y jerrycansnan.  Un rato despues a topa cu tambe bultonan di droga.  

Na e sitio a presenta departamento di Crimen Organisa (UGC)  pa asina haci nan investigacion. 

Cuerpo Policial ta haci un apelacion na es cu a wak algo of sa algo pa yama e tiplijn di polis 11141. Bo ta keda anonimo.