- Directie Voogdijraad ta participa su orarionan pa dianan di fiesta
- Ultimo 4 luna di 2024 so, a registra 2317 accidente di trafico na Aruba!
- WEB: Relaciona cu servicio afecta, lo no desconecta awa na december y januari
- AZV ta presenta relato 2024 relaciona cu Dia Internacional di Cobertura Universal di Salud
- A stop certamen di Miss Hulanda: ‘Out of date’
Despues di apenas un aña, Edson Hato ta retira como representante di Vertegenwoordiging van Nederland
WILLEMSTAD – Despues di apenas un aña, sr. E. (Edson) Hato, MBA, a duna di konosé ku e lo sigui ku su karera otro kaminda. Entrante 1 di desèmber 2024, e lo stòp di representá Hulanda na Aruba, Kòrsou i Sint Maarten.
Sr. Hato: “Mi a cumpli cu hopi pasion cu e papel di representante di Hulanda na Aruba, Curaçao y Sint Maarten. Un periodo educativo y intensivo, durante cual mi a traha pa un cooperacion fructifero entre e cuater paisnan den Reino. Aunke mi ta di akuerdo ku e meta final di e koperashon aki - un bon relashon entre e paisnan, mi tin un punto di bista diferente riba kon nos por logra e meta ei. Ta p’esei mi a disidí, despues di konsulta kuidadoso, di duna mi asignashon bèk. Den futuro serkano lo mi enfoká riba mas pasonan den mi karera. Mi ta gradisí tur hende pa nan koperashon den e periodo ku a pasa.”
Sr. Lapperre, Director-General di Relacionnan den Reino: “Mi kier a gradici na prome luga Sr. Hato pa su esfuersonan. El a compromete su mes di curason y alma na e Reino. Naturalmente mi ta respetá su desishon, gradisié pa e kolaborashon plasentero i ta dese’é tur kos bon ku e siguiente paso den su karera.”
For di 1 di sèptèmber 2023, Sr. Hato tabata e Representante di Hulanda na Aruba, Kòrsou i Sint Maarten, ku sede na Willemstad. NOTA: Texto ta scirbi den Papiamento fonetico di Corsou.
Gobierno: ‘No por obliga banconan comercial pa habri cuenta pa tur hende’
WILLEMSTAD.- No ta posibel pa obligá bankonan komersial hasi negoshi ku personanan ku no ta kuadra ku nan modelo di negoshi i ku ta trese riesgonan no deseá pa e banko. Asina gobièrnu ta indiká. Tabata parlamentario independiente, Zita Jesus-Leito, ku durante tratamentu di e lei pa gobièrnu garantisá un kuenta bankario básiko pa tur hende a puntra si no por obligá bankonan komersial pa habri nan servisionan pa tur hende.
Gobierno di Corsou ta studiando posibilidad pa habri un banco nacional
WILLEMSTAD - Gobièrnu ta hasiendo e estudionan i wak e posibilidatnan pa habri un tipo di banko nashonal. E estudio aki ta inkluí e posibilidat ku ta inkluí Giro Settlement Holding (GSH) den e plannan aki. E aspekto importante ku mester tene kuenta kuné ta ku Kòrsou tin diferente banko ku ta ehersé un ròl komunitario manera Korpodeko i Banko di Desaroyo di Antianan Hulandes, OBNA.
Compania di aviashon na Hulanda ta ninga traslado di comersiante pa Corsou
WILLEMSTAD.- Ayera Corte di promé instansia a bolbe posponé e kaso ku a haña e nòmber ‘lync’ di Marvin T.(41). Ta trata di e komersiante ku a keda sekuestrá dia 10 di yanüari 2024. Despues e kaso a kue un otro buèlta i e komersiante ta keda akusá awor pa forma parti di un organisashon kriminal, trafikashon di kokaina, labamentu di plaka i falsifikashon di dokumento.
Na Corsou, Parlamento ta gasta mas cu 630 mil florin na biahe
WILLEMSTAD - E gastunan di biahamentu di parlamento a oumentá di mas ku 550 mil florin na aña 2023 te na 630 mil florin te ku luna di òktober di aña 2024. Esaki ta un oumento supstansial den gastu di pasashi i “daggeldvergoeding” ku kada parlamentario ta risibí.
Banco Central di Corsou ta pronostica ola nobo di migrashon for di Venezuela
CARACAS - Banco Central di Corsou ta pronostica ola nobo di migrashon for di Venezuela. Asina e portal Venezolano el impulso ta bisa. Segun e porta, Gobierno di Corsou tambe a tuma un medida pa tuma enfrente di e potencial di un ola migratorio nobo cu ta bini for di Venezuela, un medida cu ta intensifica sanshonnan interno contra di gobierno di Nicolás Maduro.
Ministerio di Relacion di Reino ta organisa Conferencia di LHBTQI+ Allies na Corsou
WILLEMSTAD - Di 2 pa 4 di desèmber 2024, e Ministerio di Asuntunan Interior i Relashon den Reino ta organisá e LHBTQI+ Allies Conference na Kòrsou. E konferensia, ku tin komo meta pa traha pa futuro mas inklusivo, ta trese un grupo di hende diverso huntu, manera entre otro aktivista, trahadónan di maneho, investigadónan, artista i lidernan di komunidat. Na nan manera tur hende por kontribuí na mehorashon di igualdat i diversidat.
Follow NoticiaCla
