Di 5 edicion di Democracia Cla ta awe nochi 7:30pm cu lider di partido PPA

ORANJESTAD – Awe nochi Noticiacla ta presenta e di cinco edicion di e serie di programa politico ‘Democracia Cla’, e biaha aki cu e invitado, lider di partido PPA, Otmar Oduber. Mester splica cu esaki ta di 5 edicion debi cu ora e programa mester a bay originalmente, nos a confronta problema technico pa cual a bira obliga pa pospone e edicion pa un otro fecha. Y esaki tabata e fecha cu por a haci esaki bek. Ademas, e orario cu a keda habri, tabata 7:30pm mirando cu e otro programa regular, edicion number 9, tabata programa pa pasa 8:30pm. Pues, e programa ta cuminsa pa 7:30 pm y ta wordo conduci pa e moderador y periodista Tito Laclé. Durante e programa lo tin varios pregunta specifico pa e lider y algun pregunta general cu tur lider ta haya pa contesta. No lubida di mira e programa, door di bay riba e pagina di youtube di noticiacla y ta sigui riba e website y app di e plaatforma Noticiacla.