• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Stichting Musica: Registracion pa participa na Aruba Caiso & Soca Monarch 2025 a habri!

ORANJESTAD - E inscripcion pa Aruba Caiso & Soca Monarch 2025 ta habri oficialmente awe, dia 25 di november 2024. Stichting Musica, hunto cu su partner oficial SETAR NV, ta sumamente entusiasma pa mira cua artistanan – veterano y rookies – lo participa na e edicion aki!

Inscripcion pa ACSM2025 ta tuma lugar den forma digital y mester bai via Band Leaders di e diferente bandanan musical activo na Aruba. Artistanan cu ta desea di participa na ACSM2025, especialmente cantantenan cu lo kier participa pa prome biaha, por acudi na e banda di nan propio preferencia. Pa pregunta of ayudo pa yega na contacto cu un Band Leader, por e-mail Stichting Musica libremente.

Pa registra, Band Leaders ta manda un e-mail na [email protected] cu e nomber di e participantenan cu lo kier participa cu e banda na e Prefinals di ACSM2025 (maximo 8 participante pa cada banda). E Band Leader lo ricibi e Registration Form, cual e mester completa pa cada cantante y entrega bek prome cu dia 6 di januari 2025.

Aki Stichting Musica ta comparti e fechanan mas importante relata na ACSM2025:

▪ Registracion pa ACSM2025 (categoria: Soca) ta habri – November 25, 2024 – via: [email protected]

▪ Meet The Press / Trekmento di lot pa secuencia di banda ACSM2025 Finals – Januari 8, 2025 – Centro di Bario Brazil

▪ ACSM2025 Soca Prefinals – Januari 14, 2025 – Centro di Bario Brazil

▪ ACSM2025 Soca Prefinals – Januari 15, 2025 – Centro di Bario Brazil

▪ ACSM2025 Soca Prefinals y anuncio di resultado (clasificado pa ACSM2025 Finals) – Januari 16, 2025 – Centro di Bario Brazil

▪ ACSM2025 Warm Up – Februari 7, 2025 – Aruba Carnival & Entertainment Village

▪ ACSM2025 Soca Finals – Februari 8, 2025 – Aruba Carnival & Entertainment Village

 Recientemente, Stichting Musica a tene varios reunion importante cu Band Leaders, Compositor y Arreglista pa revisa e Rules and Regulations di e festival. Pa un copia di e Rules and Regulations actualisa por acudi na Band Leaders of na Stichting Musica mes via e-mail.

Stichting Musica ta gradici e musiconan pa nan tempo y input y ta contento di mira e bon animo entre nan y con motiva nan ta pa participa na ACSM2025. Riba e Facebook page di Stichting Musica por sigi tur informacion y desaroyo na caminda pa ACSM2025.