BCA: E resultado financiero di Banco Central a mehora significamente na 2023

ORANJESTAD  – E resultado financiero di Banco Central di Aruba a mehora significamente na 2023.   Centrale Bank van Aruba (CBA) a publica su Rapport Operacional 2023 i su Estadonan Financiero Condensa 2023 awe.

E rapportnan aki ta duna un sinopsis di e resultadonan financiero di CBA pa 2023 y ta elabora riba e desaroyonan y logronan principal relaciona cu cuater responsabilidadnan nucleo di CBA, esta, politica monetario, maneho di reserva, sistemanan di pago, i bankero i consehero di Gobierno di Aruba. E di cinco responsabilidad central di CBA, esta, supervicion, ta cubri den e Rapport di Supervision di Sector Financiero, cu a keda publica dia 31 di juli 2024 riba su website.

Ademas, e Rapport Operacional 2023 ta refleha brevemente riba datonan di personal y ta destaca e actividadnan operacional i strategico principal di CBA di 2023 y su enfoke pa 2024. Un resumen tambe ta wordo duna riba con e CBA ta wordo goberna y e manera cu riesgonan ta wòrdo maneha.

E Rapport Operacional 2023 y e Estadonan Financiero Condensa 2023 ta disponibel riba e website di CBA te cu awe.