Piscadonan Venezolano ta nabega cerca di Aruba pa motibo di derame di azeta

FALCON - E piscadornan di e estado Falcón, specificamente esnan cu ta biba riba e peninsula di Paraguaná, mester a nabega cerca di e frontera cu Aruba pa por a traha debi na derame di petroleo cu ta afecta awanan nacional, exponiendo nan mes na riesgonan y problemanan cu autoridadnan Hulandes .

Segun e portal Crónicas del Caribe, un grupo di 1.950 piscado y 350 boto ta afecta pa por lo menos 65 derame di crudo cu a wordo registra riba golfo di Coro.

Un di e heridonan, Dioner Aular, a adverti cu tur dia nan ta risca nan boto y tripulante pa bay leu y brinda sosten na nan famia pasobra autoridad di Aruba ta kere cu nan ta purba drenta e teritorio ey ilegalmente.

“Nos ta bai pisca nort na 15 y 35 miya, bo por imagina e profundidadnan ei caminda nos mester bai. Mi boto ta eynan actualmente cu cuater miembro di tripulacion y un solo motor, y loke mi ta pensando riba dje ta cu, si Dios kier, nan ta regresa na tera. Tin varios boto cu ta trahando eynan pasobra no tin piscamento na e banda aki pa motibo di e derame,” el a denuncia.

El a señala cu, aunke nan ta duna nan 120 liter di combustibel pa boto pa siman, nan ta prefera di bay leu pa haci tur piscamento cu nan por en bes di keda den e area di Coro unda no tin ningun especie mas. P’esey nan ta haci un yamada na organisacionnan internacional pa intercede pa nan y evita problema cu Aruba. Tambe el a bisa cu a pidi funcionarionan Venezolano pa apoyo pero nan ta sigura cu nan no a haya e atencion cu nan a spera.

Dia 12 di november ultimo e Comite di Femenino Piscador di e estado di Falcón a exigi renuncia di Delhy Echevarreneta, director di medio ambiente di PDVSA, debi na e derame di petroleo den e region cu ta afecta seriamente e actividad di pesca local.

Den un video transmiti a traves di rednan social, un di e representantenan di e comision a expresa e angustia cu famianan di piscado ta experenciando den e area. “Nos ta cansa, nos esposonan ta cansa di bin cas sin nada pa duna nos yiunan di come. Mi ta hasi un yamada na bo pa bin y verifica pa bo mes kico nos ta experencia den e comunidad aki. Nos ta cansa di asina tanto derame, nos a haña 65 derame.”