- Gabinete Pisas a pidi retiro di dos di su ministernan di su gabinete
- Opinion: E post cu tur sa tabata bin: clapchi.
- AZV a lanza logo relaciona cu 25 aña di seguro AZV
- VIDEO: Grupo di prensa local a conoce e restaurant mas nobo ‘Gaia House of Grill’ na JOIA Aruba
- Famia di turista cu a muri tragicamente na Aruba, ta papia, y curpa ta 'pega' na Aruba ainda
Na Hulanda, lider di partido NSC Omtzigt ta regresa Parlamento pero no full-time ainda
DEN HAAG - Lider di NSC Pieter Omtzigt a regresa Tweede Kamer. For di september, Omtzigt tabata na cas riba conseho di dokter. Splicando su regreso, Omtzigt a bisa cu e lo no ta na Den Haag full-time por lo pronto, “pero trankilamente stap pa stap”. Omtzigt no a meld ziek, pero su posicion como presidente di fraccion y lider di partido a wordo yena pa Nicolien van Vroonhoven. Van Vroonhoven y e lo parti e tareanan di presidencia di partido den futuro cercano. Por ehempel, e ta haci e consulta cu e otro lidernan di fraccion di coalicion y mayoria di e contakto cu medionan di comunikashon, Omtzigt a bisa. “Mi ta spera di por bolbe traha, mira coleganan y pone mi schoudernan na stuur den un siman difícsil,” Omtzigt a bisa.
RETIRO DI SECRETARIONAN DI ESTADO
NSC ta den un situashon difísil. Den dos siman, dos secretario di estado di e partido a renuncia, Idsinga i Achahbar. Diabierne ultimo tabatin e menasa cu tur minister di NSC lo sigui e ehempel di Achahbar i renuncia pa motibo di e discusion den e gabinete tocante anti-semitismo. Ayera, dos miembro di NSC, Femke Zeedijk i Rosanne Hertzberger, a renuncia nan miembrecia di Parlamento despues di e intrankilidad di siman pasa i pasobra nan ta haña e posicion di e otro partidonan di coalicion mucho polarisante. Zeedijk a hasta papia di discriminacion i rond di e salida di Achahbar, fuentenan di NSC a tende cu e Secretario di Estado a experencia rasismo. Algo cu Achabar mes ta contradeci.
D66, CDA y VVD a skohe pa forma un gabinete minoritario
DEN HAAG – Partidonan politico hulandes D66, CDA y VVD hunto a dicidi cu nan ta bay forma un gabinete minoritario. Esaki ta e principal conclushon cu informador Letschert a saca for di nan reunionan na e sitio di reunion na Zwaluwenberg. E tres partido negociante a invita e lidernan di varios partido di oposicion pa papia tocante sosten pa nan. Nan ta bolbe wak si nan por yega na acuerdo riba asuntonan mas grandi.
KLM ta cancela 80 buelo diabierna riba Schiphol pa motibo di sneeuw y ijs
SCHIPHOL - Weer di invierno ta causa cu diabierna hopi buelo a wordo cancela na aeropuerto Schiphol. KLM a anuncia cu e la cancela preventivamente 80 buelo cu ta sali y yega na e aeropuerto, pasobra anochi ta spera mal weer. Especialmente buelo pa destino Europeo, unda hopi biahe ta sali tur dia, lo no tuma luga. Tur siman aki hopi cientos di buelo a wordo cancela na Schiphol. Pasobra e condicionnan di weer diahuebs tabata relativamente bon, KLM a logra opera casi tur buelo e dia ey. Pero diabierna esaki lo no posibel. KLM ta referi specificamente na e prognosticonan pa anochi. Pa resto di e dia, KLM ta bisa cu e situacion “por awor ta mira bon”. Mester bisa mesora cu e 2 buelonan pa awe pa Aruba, ta sigui normal.
Tweede Kamer kier cu Hulanda rechasa accion di Merca den Venezuela
DEN HAAG — Un mayoria grandi den Tweede Kamer ta kere cu e gabinete demisionario mester bisa claramente cu Hulanda no ta aproba e accion militar di Merca den Venezuela. E operacion den cual presidente Nicolás Maduro a wordo bagha y manda Merca e weekend pasa, segun esnan partido, ta kibra ley internashonal. Hunto esnan tin 99 di e 150 seatnan den Kamer. E punto aki a sali claramente den un debate cu minister demisionario di Asunto Exterior, David van Weel. Miembro di ChristenUnie, Don Ceder, a pidi e gabinete pa haci publico cu Hulanda ta contra e accion. Segun Ceder, si Hulanda no comenta ora un aliado kibra ley internashonal, otro pais grandi lo sinti nan mas fuerte y por cuminsa usa e regla di “e mas fuerte ta dicidi”.
Letschert: Diabierna ta bira conoci si Hulanda tin un gobierno nobo
DEN HAAG - Rianne Letschert, e persona cu ta guia e dialogonan pa forma gobierno nobo hulandes, ta spera cu mañan diabierna – despues di dos dia di papia serca – lo bira cla si D66, VVD i CDA por forma un gobierno chikito cu tres partido, of si mester tin un cuater partido tambe den gobierno. Den e reunionnan aki mester tuma desicion riba gasto y ingreso principal di pais pa e prome añanan.
KLM: Atrobe tabatin problema na Schiphol, awor cu coriente y tin retraso atrobe ‘
SCHIPHOL – E sala di salida 2 den Schiphol a sufri un interupcion di corriente den diahuebs mainta. Esey ta e sala unda cu avionan pa islanan ABC ta sali semper. Den e terminal aki, KLM tin hopi di su bali nan pa check-in. Pa motibo di interupcion, pasaheronan no por a haci check-in temporariamente. E consecuencianan di e incidente ta wordo sinti awe diahuebs ainda.
Cinco dia sigui cu problema cu trafico di buelo riba tur ruta pa islanan Caribe
AMSTERDAM - Pa cinco di dia consecutivo, pasaheronan ta sufri hopi problema cu buelo for di Amsterdam pa e islanan Caribe, incluso Curaçao, Bonaire i Aruba. E situacion a cuminsa 3 di januari cu un problema den e espacio aereo internacional i aun dia despues e ta sigui afectando trafico di buelo. Mal tempo y condicion di sneeuw na Hulanda ta hasi cu e buelonan ta move hopi lento.
Follow NoticiaCla
