- Ling: “Mi tabata naïve y ta sinti mi mes culpable. Mi mester tabata mas alerta!”
- Besaril:” Mi no a kere cu mi lo a caba mi carera asina”
- Corte Superior a pospone caso Sayuri pa haya mas informacion
- Aruba Bank Walk & Run 2025 a ranca sali cu participacion masal
- Delegacion di Parlamento di Aruba a reuni cu Home Land Security na Merca
Gobierno nobo di St Maarten ta huramenta dia 26 di November proximo
W’STAD/PHILIPSBURG.- Manera palabrá, formadó Luc Mercelina a entregá 15 novèmber último su relato final di e proseso di formashon di gabinete Mercelina II na gobernadó Ajamu Baly. Den un komunikado di prensa Baly ta bisa ku e gobièrnu nobo ta konsistí di ministernan ku ta komprometé pa promové bienestar di St. Maarten.
Despues ku e ministernan hura dia 26 di novèmber awor, e gobièrnu nobo lo funshoná a base di un programa di gobernashon, Baly ta bisa. E kandidatonan pa bira minister a pasa screening a base di regulashonnan stipulá. E regulashonnan aki ta a base di práktika ku ta tumando lugá for di 2010 despues ku St. Maarten a optené e status di pais outónomo den Reino.
Djaluna 4 novèmber Mercelina a risibí e rapòrt final di servisio di inteligensia VDSM (Veiligheidsdienst St. Maarten) relashoná ku screening di kandidatonan pa minister. Fin di e siman promé el a risibí e rapòrt final di Prokurador General.
A base di e dos rapòrtnan aki Mercelina a hiba deliberashon ku gobernadó Baly i a palabrá ku pa mas tardá 15 novèmber e ta entregá su rapòrt final di formadó na gobernadó. Mercelina a splika ku e mes tabata kla pa algun tempu kaba, pero e tabata warda riba Prokurador General i VDSM pa nan kaba ku nan investigashon.
Ku huramentu di e kandidatonan pa minister lo tin kambio tambe den parlamento di St. Maarten. Kuater miembro aktual di parlamento lo bira minister. Ta trata di Mercelina mes i Richinel Brug pa partido URSM, Grisha Heyliger-Marten pa partido DP, Melissa Gumbs pa partido PFP. Brug lo bira minister di Salubridat Públiko, Desaroyo Sosial i Labor, Heyliger-Marten ta bira minister di Turismo, Asuntunan Ekonómiko i Transporte i Gumbs ta bira minister di Edukashon, Kultura, Hubentut i Deporte.
Mercelina mes ta bira promé minister atrobe. Siman pasá parlamento di St. Maarten a kontrolá kredensial di e kuater parlamentarionan ku ta drenta pa remplasá e miembronan di parlamento ku ta bira minister. E remplasante pa e parlamentarionan lo ta Christopher Wever (URSM), Veronica Jansen-Webster (URSM), Dimar Labega (DP) i Raeyhon Peterson (PFP). NOTA: Texto ta scirbi den Papiamento fonetico di Corsou.
A re-establece orden den prizon na St Maarten despues di candela
PHILIPSURG - Ayera tardi, algu despues di 5or prizòn Point Blanche na St. Maarten a bati alarma pa kandela. Un parti di e prizòn a keda sendé na kandela. E kandela a bira unu grandi i ta basta huma pretu tabata sali for di e instituto penitensiaro.
Venezuela a exporta 180 ton di producto nacional pa Aruba, Boneiro y Corsou
LA VELA DE CORO - Venezuela a exporta 180 ton di producto nacional pa Aruba, Boneiro y Corsou. “E 160 ton di productonan a sali for di Venezuela pa Aruba, mientras cu 20 ton a bay Curaçao”, asina Juan Gotopo, vice presidente di Camara di Comercio a splica. Gotopo, a informa cu na april ultimo, e pais a exporta 180 ton di producto pa e islanan Caribense di Aruba, Bonaire, y Curaçao. Den e sentido aki, el a destaca riba su cuentanan di medionan social cu esaki ta representa un aumento di 2.5% compara cu april 2024. El a splica cu 160 ton di producto a sali for di Venezuela pa Aruba, mientras cu 20 ton a bay Curaçao. Gotopo a declara cu entre januari y april, e pais a exporta mas o menos 1.075 ton di producto, cu 75.34% di e mercancia ta bay pa Aruba y 24.65% pa Curaçao. Tambe el a señala cu, di mei 2022 te cu april 2025, e pais a exporta 7.107 ton di producto pa e islanan ey, cu 5.087 ton ta bayendo pa Curaçao y 2.020 ton pa Aruba. Venezuela ta exporta productonan manera keshi, fruta, berdura, mata, fertilisante, potchi di flor, carbon, y material di construccion, entre otro, pa e islanan Caribense anteriormente menciona.
Top chef Jonnie Boer (60) a fayece na Boneiro
KRALENDIJK – E top chef hulandes Jonnie Boer a fayece na Boneiru diaranson. E chef di 60 aña a sucumbi na un embolia pulmonar diarason. Su morto a keda confirma na De Telegraaf pa un bosero na nomber di su casá Thérèse.
Gabinete Hulandes no ta mira aumento di menasa militar pa Boneiro for di Venezuela
DEN HAAG – Minister di Defensa Ruben Brekelmans a declara cu actualmente no tin aumento di menasa militar pa Boneiro for di Venezuela. E contesta ta sigui preguntanan parlamentario di e parlamentarionan di D66 Van der Werf, Paternotte y Bamenga, kendenan a expresa nan preocupacionnan despues di declaracionnan haci pa gobernador John Soliano tocante e situacion den e pais bisiña.
Mericano ta secuestra avion di Belize, wordo tira mata pa pasahero arma
BELIZE - Por lo menos tres pasahero a resulta herida den un secuestro di avion na Belizen recientemente. Un mericano arma cu un cuchiu ta ser bisa di a purba di tuma control di un avion Tropic Air Cessna 208. Segun polis, e mes a muri ora un pasahero arma a cuminsa tira.
Aruba ta logra titulo maximo di ‘Miss Teen Universe 2025'
PUNTA CANA – Aruba su representante pa e certamen Miss Teen Universe 2025,Guizza Maria Steenvoorde a logra e titulo maximo diadomingo anochi na Punta Cana, Republica Dominicana. Den practicamente tur e sessionan di pronostico, Aruba tabata figura den e favoritonan. Rapidamente, a nota cu e pronosticonan tabata favorece y bira realidad. Aruba y Corsou a drenta den e top 16, sigui pa e top 10, y finalmente e top 6. Notable ta cu Corsou tambe a logra avansa hunto cu Aruba den e parti di finalista. Finalmente, a scohe Mexico como e Preteen Universe 2025, sigui pa e Petite Universe 2025 cu tabata Panama, pa Aruba mes bay cu e titulo maximo, esta Miss Teen Universe 2025. Pabien na Guizza y Aruba pa e logro grandi aki.
Follow NoticiaCla
